സിംഹത്തെ കണ്ടാൽ മറ്റ് മൃഗങ്ങൾ പേടിച്ചോടുന്നതാണ് പതിവ് കാഴ്ച. എന്നാൽ ഇവിടെ കാട്ടുനായ്ക്കളെ കണ്ട് സിംഹം സൈലന്റായി നടന്നുനീങ്ങുകയാണ്. ആത്മവിശ്വാസം കൂടുതലുള്ള ഒരു കൂട്ടം നായ്ക്കളാണ് സിംഹത്തെ വിറപ്പിക്കാനിറങ്ങിയത്. ഇതിന്റെ വിഡിയോ നിരവധിപ്പേരാണ് കണ്ടത്.
ക്രൂഗർ നാഷനൽ പാർക്കിലാണ് സംഭവം. സിംഹം ശാന്തനായി നടന്നുവരുമ്പോൾ അതിന് എതിർവശത്ത് നിന്നും കാട്ടുനായ്ക്കൾ എത്തുകയായിരുന്നു. ആദ്യമെത്തിയ നായ സിംഹത്തെ കണ്ട് മറ്റൊരുദിശയിലേക്ക് മാറുന്നതാണ് വിഡിയോയിൽ കാണുന്നത്. എന്നാൽ ഒരു കൂട്ടം കാട്ടുനായ്ക്കൾക്കൊപ്പം സിംഹത്തെ നേരിടാനായിരുന്നു ആ ഓട്ടം. എല്ലാവരും ചേർന്ന് സിംഹത്തെ വിരട്ടാൻ മുന്നോട്ട് നീങ്ങി. എന്നാൽ ഓടി രക്ഷപ്പെടാനൊന്നും സിംഹം തയാറായില്ല. പതുക്കെ അത് കാടിനകത്തേക്ക് നീങ്ങുകയായിരുന്നു.
Content Highlights: Wild dogs | Lion | Animal World
