ലംബോർഗിനി, ഫെരാരി: പിതാവിന്റെ പിറന്നാളിന് മകൻ ഒരുക്കിയ കണ്ണു നിറയ്ക്കുന്ന സമ്മാനം– വിഡിയോ
Mail This Article
ലംബോർഗിനിയും ഫെരാരിയും ഏതൊരു വാഹന പ്രേമികളുടേയും ഇഷ്ട സൂപ്പർകാറുകളാണ്. രണ്ടും ഒരുമിച്ചു കാണുന്നതു തന്നെ വാഹനപ്രേമികളുടെ മനം നിറയ്ക്കും. അപ്പോൾ രണ്ടും ഓടിക്കാനുള്ള അവസരം കിട്ടിയാലോ, കണ്ണു നിറഞ്ഞുപോകും അല്ലേ?. പിതാവിന്റെ പിറന്നാളിന് അത്തരത്തിൽ കണ്ണുനിറയ്ക്കൊന്നൊരു സമ്മാനം നൽകിയിരിക്കുയാണ് കൃഷ്ണ എന്ന വ്ലോഗർ.
ന്യൂസീലൻഡിൽ സ്ഥിരതാമസമാക്കിയ ഇന്ത്യൻ യുവാവ് കൃഷ്ണ പിതാവിന് ഒരിക്കലും മറക്കാനാവാത്ത സമ്മാനം നൽകുന്നതിന്റെ വിഡിയോയും യൂട്യൂബ് ചാനലിൽ പോസ്റ്റ് ചെയ്തിട്ടുണ്ട് . പിതാവുമായി സൂപ്പർകാർ വാടകയ്ക്ക് ഓടിക്കാൻ നൽകുന്നൊരു റേസ് ട്രാക്കിൽ എത്തിയാണ് ഇതിനുള്ള അവസരമുണ്ടാക്കിയത്.
അപ്രതീക്ഷിതമായി ലഭിച്ച സമ്മാനത്തിന്റെ സന്തോഷത്തിൽ ഇതു സ്വപ്നമാണോ എന്നു ചോദിക്കുന്ന പിതാവിന്റെ കണ്ണു നിറയുന്നതു വിഡിയോയിൽ കാണാം. ലംബോർഗിനി മുർസിലാഗോയിൽ ഇരിക്കുന്നതും ഫെരാരി 430 ഓടിക്കുന്നതും വിഡിയോയിൽ കാണാം.
English Summary: Son Suprised Dad On Hisbirthday