sections
MORE

‘ബസ് വരുന്നതിന് മുമ്പ് കടന്നേക്കാം’ ഈ അപകടത്തിന് കാരണം അമിതാവേശം: വിഡിയോ

accident-1
Screen Grab
SHARE

ചില അപകടങ്ങൾ മനപ്രൂർവ്വം ക്ഷണിച്ചു വരുത്തുന്നതാണ്. അൽപം ശ്രദ്ധിച്ചിരുന്നെങ്കിൽ ഒഴിവാക്കാൻ സാധിക്കുമായിരുന്നു. ചിലപ്പോഴൊക്കെ നിങ്ങളുടെ അശ്രദ്ധ ഭീഷണിയിലാക്കുന്നത് മറ്റുപലരുടേയും ജീവനായിരിക്കും. അതിനുള്ള ഏറ്റവും ഉത്തമ ഉദാഹരണമാണ് ഈ വിഡിയോ.

കാറുകാരന്റെ അമിതാവേശം ഭീഷണിയിലാക്കിയത് ഒരു മിനി ബസിലെ യാത്രക്കാരുടെ മുഴുവൻ ജീവനാണ്. ശ്രീലങ്കയിലാണ് അപകടം നടന്നത് ജങ്ഷനിൽ പ്രധാന റോഡിലേക്ക് കയറാൻ ശ്രമിച്ച കാറുകാരനാണ് അപകടത്തിന് കാരണം. വേഗത്തിലെത്തിയ മിനി ബസിന് മുന്നിലേക്കായിരുന്നു വാഹനം ചെന്നത് കാറിനെ ഇടിച്ചു ബസ് നിന്നതുമൂലം വൻ ദുരന്തം ഒഴിവായി.

പ്രധാന റോഡുകളിലേക്ക് പ്രവേശിക്കും മുമ്പ് ശ്രദ്ധിക്കേണ്ട കാര്യങ്ങള്‍

∙ പ്രധാന റോഡിലേക്ക് പ്രവേശിക്കുമുമ്പ് ഇരുവശത്തു നിന്നും മറ്റു വാഹനങ്ങള്‍ വരുന്നില്ലെന്ന് ഉറപ്പുവരുത്തുക. അതിനുശേഷം മാത്രമേ പ്രധാന റോഡിലേക്ക് പ്രവേശിക്കാവൂ.

∙ പ്രധാന റോഡിലൂടെ പോകുന്ന വാഹനങ്ങൾക്ക് മുൻഗണന നൽകണം.

∙ പ്രധാന റോഡിലൂടെ പോകുന്ന വാഹനങ്ങളുടെ വേഗം നമ്മുടെ കണക്കൂട്ടിലിൽ ആയിരിക്കില്ല. അതുകൊണ്ട് വാഹനം പോയതിന് ശേഷം മാത്രം തിരിയാൻ ശ്രമിക്കുക.

∙ നാലു വരിപാതയാണെങ്കിലും നമ്മുടെ സുരക്ഷയെക്കരുതി ഇടതു വശവും വലതു വശവും നോക്കി വേണം റോഡിലേക്ക് പ്രവേശിക്കാൻ.

∙ മീഡിയനിൽ നിന്ന് തിരിഞ്ഞ് പെട്ടെന്ന് വാഹനത്തിന്റെ മുമ്പിലേക്ക് ചെന്നാൽ ഡ്രൈവർക്ക് പ്രതികരിക്കാൻ പോലും സമയം കിട്ടിയെന്ന് വരില്ല. അതുകൊണ്ട് സുരക്ഷിതമെന്ന് തോന്നിയാൽ മാത്രമേ തിരിയാവൂ.

∙ റൗണ്ട് എബൗട്ടുകളിൽ ആദ്യം പ്രവേശിക്കുന്ന വാഹനത്തിനായിരിക്കണം മുൻഗണന, കൂടാതെ മറ്റു വാഹനങ്ങളുടെ സഞ്ചാര സ്വതന്ത്ര്യം ഹനിക്കുകയും ചെയ്യരുത്.

English Summary: Accident Due To Negligence

വാഹന സംബന്ധമായ സേവനങ്ങളെക്കുറിച്ച് അറിയാൻ, തിരയാംwww.quickerala.com

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN AUTO NEWS
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
FROM ONMANORAMA