ബിഎംഡബ്ല്യുവിന്റെ ആഡംബര സെഡാൻ 3 സീരിസ് സ്വന്തമാക്കി യുവ നടൻ സർജിയാനോ ഖാലിദ്. കോഴിക്കോട് പ്രവർത്തിക്കുന്ന പ്രീമിയം സെക്കൻഡ് ഹാൻഡ് കാർ ഡീലറായ റോഡ്‍വേയിൽ നിന്നാണ് 3 സീരിസിന്റെ ഡീസൽ വകഭേദം 320 ഡി സർജിയോ സ്വന്തമാക്കിയത്.

ബിഎംഡബ്ല്യു 320 ഡിയുടെ 2014 ലക്ഷ്വറി ലൈൻ മോഡലാണ് താരം വാങ്ങിയത്. രണ്ടു ലീറ്റർ എൻജിൻ ഉപയോഗിക്കുന്ന കാറിന് 184 ബിഎച്ച്പി കരുത്തും 380 എൻഎം ടോർക്കുമുണ്ട്. 320 എൽഡിയാണ് നിലവിലെ ത്രീ സീരിസ് ഡീസൽ മോഡല്‍.‌ 188 ബിഎച്ച്പി കരുത്തും 400 എൻഎം ടോർക്കുമുണ്ട്‌ ഈ പതിപ്പിന്. 320 എൽഡി എന്ന ഏറ്റവും പുതിയ മോഡലിന്റെ എക്സ്ഷോറൂം വില 59.50 ലക്ഷം രൂപയാണ്.

English Summary: Sarjano Khalid Bought BMW 320 D