3.08 കോടിയുടെ പോർഷെ മാധുരി ദീക്ഷിതിന് സ്വന്തം

തൊണ്ണൂറുകളിലെ ബോളിവുഡിന്റെ പ്രിയതാരമായിരുന്ന മാധുരി ദീക്ഷിതിന്റെ പുതിയ വാഹനമാണ് ഇപ്പോൾ ആരാധകരുടെ ഇടയിലെ ചർച്ച. പോർഷെ ഇന്ത്യൻ ലൈനപ്പിലെ ഏറ്റവും വേഗമേറിയ കാറുകളിലൊന്നാണ് മാധുരി സ്വന്തമാക്കിയത്. 911 ടർബോ എസ് എന്ന ഈ ആ‍‍‍ഡംബര വാഹനത്തിന് ഏകദേശം 3.08 കോടി രൂപയാണ് എക്സ്ഷോറൂം വില.

കഴിഞ്ഞ മാസം അവസാനമാണ് പുതിയ വാഹനം മാധുരി ദീക്ഷിത് വാങ്ങിയത്. മാധുരിയുടെ രണ്ടാമത്തെ പോർഷെയാണ് ഇത്. ട്വിൻ ടർബോ ആറു സിലിണ്ടർ 3.8 ലീറ്റർ എൻജിനാണ് വാഹനത്തിന് കരുത്ത് പകരുന്നത്. 650 പിഎസ് കരുത്തും 800 എൻഎം ടോർക്കും നൽകും ഈ എൻജിൻ. മണിക്കൂറിൽ 330 കിലോമീറ്ററാണ് വാഹനത്തിന്റെ ഉയർന്ന വേഗം, 100 കടക്കാൻ വെറും 2.6 സെക്കൻഡ് മാത്രം മതി.

English Summary: Actress Madhuri Dixit Bought New Porsche 911 Turbo S