ഈ നമ്പർ പ്ലേറ്റിലെ അക്ഷരങ്ങളും അക്കങ്ങളും സൂചിപ്പിക്കുന്നതെന്ത്?
![temporary-number-plate-kerala Image Source: Kerala MVD | Facebook Page](https://img-mm.manoramaonline.com/content/dam/mm/mo/fasttrack/auto-news/images/2024/2/24/temporary-number-plate-kerala.jpg?w=1120&h=583)
Mail This Article
റജിസ്ട്രേഷൻ നമ്പറുമായിട്ട് മാത്രമേ വാഹനങ്ങൾ റോഡിൽ ഇറങ്ങാൻ പറ്റൂ എന്നാണ് മോട്ടർവാഹന നിയമം. എന്നാൽ ഫാൻസി നമ്പറിന് അപേക്ഷിച്ചാൽ കിട്ടാൻ കാലതാമസം എടുക്കുന്നത് കൊണ്ട് താൽക്കാലിക നമ്പറുമായി സഞ്ചരിക്കാം. വാഹനത്തിന്റെ നിർദ്ദിഷ്ഠ നമ്പർപ്ലേറ്റിൽ തന്നെ വേണം ഈ നമ്പറും എഴുതാൻ. പേപ്പറുകളിലും സ്റ്റിക്കറുകളിലും മറ്റും നമ്പറുകള് എഴുതി പതിപ്പിച്ചാൽ നടപടി സ്വീകരിക്കും എന്നാണ് മോട്ടർ വാഹന വകുപ്പ് പറയുന്നത്. ഇതിനുപിന്നാലെ താത്കാലിക നമ്പറിന്റെ അക്ഷരങ്ങളും അക്കങ്ങളും എന്തിനെയാണ് സൂചിപ്പിക്കുന്നത് എന്ന കൂടുതൽ വിവരങ്ങൾ എംവിഡി സമൂഹമാധ്യമ പോസ്റ്റിലൂടെ പങ്കുവയ്ക്കുന്നു.
![number-plate number-plate](https://img-mm.manoramaonline.com/content/dam/mm/mo/config-assets/mo-default.jpg)
കുറിപ്പിന്റെ പൂർണരൂപം
ഫാൻസി നമ്പർ എടുക്കുന്നതിനും മറ്റ് സംസ്ഥാനങ്ങളിൽ റജിസ്റ്റർ ചെയ്യുന്നതിനുമായി നിരവധി വാഹനങ്ങൾ താൽക്കാലിക നമ്പർ എടുത്ത് ഷോറൂമുകളിൽ നിന്നു ഡെലിവറി എടുക്കുന്നുണ്ട്. ആ നമ്പറുകൾ എന്തിനെയൊക്കെയാണ് സൂചിപ്പിക്കുന്നതെന്ന് പറയാം.
T - താൽക്കാലികം (Temporary)
12 - നമ്പർ ഇഷ്യു ചെയ്ത മാസം
23 - നമ്പർ ഇഷ്യു ചെയ്ത വർഷം
KL - സ്റ്റേറ്റ് കോഡ്
1714 - താൽക്കാലിക നമ്പർ
L - താൽക്കാലിക നമ്പറിന്റെ ഇംഗ്ലീഷ് അക്ഷരമാല അക്ഷരം (ഇത് ' O ' യും ' I ' യും ഉണ്ടാവില്ല)
താൽക്കാലിക നമ്പറോ സ്ഥിര നമ്പറോ ഇല്ലാതെ യാതൊരു വാഹനവും റോഡിൽ സർവ്വീസ് നടത്താൻ അനുവാദമില്ല.