ദൈവസ്നേഹം ലോകത്തിന് പകർന്ന് നൽകുന്നതാണ് യഥാർത്ഥ ക്രിസ്മസ്: ജസ്റ്റിസ് കുര്യൻ ജോസഫ്

ലണ്ടൻ∙  ദൈവ സ്നേഹം ലോകത്തിനു പകർന്ന് കൊടുക്കുന്നതാണ് യഥാർത്ഥ ക്രിസ്മസ് എന്ന് സുപ്രീം കോടതി മുൻ ജസ്റ്റിസ് കുര്യൻ ജോസഫ്. ലണ്ടൻ വൈ.എം.സി.എ ഇന്ത്യൻ സ്റ്റുഡന്‍റസ് സെന്‍ററിൽ നടന്ന ക്രിസ്മസ് സമ്മേളനം ഉദ്‌ഘാടനം ചെയ്ത് സംസാരിക്കുകയായിരുന്നു അദ്ദേഹം. ലോകസമാധാനത്തിനായി ഉള്ളുരുകി പ്രാർത്ഥിക്കാൻ ലോകമെമ്പാടുമുള്ള വൈ.എം.സി.എ പ്രവർത്തകരെ അദ്ദേഹം ആഹ്വാനം ചെയ്തു . പുതുതായി  ആരംഭിച്ച വൈ.എം.സി.എ ഇന്ത്യൻ റസ്റ്ററന്‍റും അദ്ദേഹം ഉദ്‌ഘാടനം ചെയ്തു .

ഇന്ത്യൻ വൈ.എം.സി.എ പ്രസിഡന്‍റ് ഡോ. വിൻസെന്‍റ് ജോർജ് അധ്യക്ഷത വഹിച്ചു മുൻ ദേശീയ അധ്യക്ഷൻ ജസ്റ്റിസ് ജെ ബി കോശി ,ഇംഗ്ലണ്ട് ആൻഡ് വെയിൽസ്‌ നാഷനൽ പ്രസിഡന്‍റ് റോയ് ഒ ഷൗങ്സി , ഇന്ത്യൻ വൈ.എം.സി.എ ട്രഷറർ റെജി ജോർജ് ഇടയാറന്മുള , വൈസ് പ്രസിഡന്‍റുമാരായ നോയൽ അമണ്ണ , ബെറ്റി വില്യംസ് ,ഐ എസ്‌ എച് ഡയറക്ടർ ഡോ റോയ്‌സ് മല്ലശ്ശേരി , ജനറൽ സെക്രട്ടറി എൽദോ വർഗീസ് , ട്രസ്റ്റി വി കെ വർഗീസ്, ആർ എച്ച് ഷെട്ടിയാൻ ,പ്രഫ.  കെ വി തോമസ്, ശാലേം ബിക്രം കുമാർ സെക്രട്ടറി സാം റോബർട്ട് , മൽഖീസ് എന്നിവർ പ്രസംഗിച്ചു .