ന്യൂ ലൈഫ് പെന്തകോസ്ത് ചർച്ച് പ്രസ്റ്റണിന്‍റെ വാർഷിക കൺവൻഷൻ

പ്രസ്റ്റൺ ∙ ന്യൂ ലൈഫ് പെന്തകോസ്ത് ചർച്ച് പ്രസ്റ്റണിന്‍റെ 12-ാം വാർഷിക കൺവൻഷൻ ഈ മാസം 7,8 തീയതികളിൽ പ്രസ്റ്റണിൽ നടക്കും. ഐഎജി യുകെ ആൻഡ് യൂറോപ്പ് ചെയർമാൻ റവ. ബിനോയ് ഏബ്രഹാം ഉദ്ഘാടനം നിർവഹിക്കും. ഈ ദിവസങ്ങളിൽ  ചർച്ച് ഓഫ് ഗോഡ് ഇൻ ഇന്ത്യ സീനിയർ ശുശ്രൂഷകനായ പാസ്റ്റർ പി.സി. ചെറിയാൻ ദൈവ വചനം പ്രസംഗിക്കും.

ബ്രദർ ഷാജി ജോസഫ് ചർച്ച് ക്വയറിനൊപ്പം ആരാധനയ്ക്ക് നേതൃത്വം നൽകുന്നു. സിസ്റ്റർ പ്രിൻസി വിൽ‌സൺ യുവജനങ്ങൾക്കായുള്ള പ്രത്യേക സെക്ഷനും നേതൃത്വം നൽകും. വിക്ടറി വർഷിപ്പ് സെന്‍റർ ചർച്ച് ക്വയർ ഓക്‌സ്‌ഫോർഡ് യുവജനങ്ങൾക്കായുള്ള ആരാധന നിർവഹിക്കും. ഈ മാസം 7 ന് വൈകുന്നേരം 6 മണി മുതൽ ആരംഭിക്കുന്ന കൺവൻഷൻ, ഈ മാസം 9 ന് 1 മണിക്ക് പൊതു ആരാധനയോടെ അവസാനിക്കും.  പാസ്റ്റർ ജോൺലി ഫിലിപ്പ് മീറ്റിങ്ങുകൾക്ക് നേതൃത്വം നൽകുന്നു. ന്യൂ ലൈഫ് ചർച്ചിന്‍റെ വിവിധ ഇടങ്ങളിലെ ശുശ്രൂഷകരോടൊപ്പം, യുകെയിലെ മുൻ നിരയിലുള്ള ദൈവദാസന്മാരും മീറ്റിങ്ങുകളിൽ ശുശ്രുഷിക്കുന്നതാണ്. എല്ലാ പ്രിയപ്പെട്ടവരെയും മീറ്റിങ്ങിലേക്ക്  ക്ഷണിക്കുന്നു. വിക്ടറി മീഡിയ ടീവിയിലൂടെ തത്സമയ സംപ്രേഷണം ഉണ്ടായിരിക്കും.
(വാർത്ത : പോൾസൺ ഇടയത്ത)