സിറിയയിൽ നന്മയുടെ കരുതലേകി രക്ഷാസേന തിരിച്ചെത്തി
Mail This Article
×
അബുദാബി∙ ഭൂകമ്പം നാശം വിതച്ച സിറിയയിൽ രക്ഷാപ്രവർത്തനം നടത്തിയ ശേഷം യുഎഇ രക്ഷാസേന തിരിച്ചെത്തി. ഇമാറാത്തി സെർച് ആൻഡ് റെസ്ക്യൂ കമാൻഡർ ലഫ്. കേണൽ ഹമദ് അൽ കാബിയുടെ നേതൃത്വത്തിലുള്ള സംഘമാണ് രക്ഷാപ്രവർത്തനങ്ങൾക്ക് നേതൃത്വം നൽകിയത്.
Also read: നേരത്തേ ടിക്കറ്റെടുക്കാം, പോക്കറ്റ് ചോരാതെ; പ്രവാസികളുടെ കീശ കാലിയാക്കാന്‍ ഒരുങ്ങി വിമാനക്കമ്പനികള്‍
നൂതന സംവിധാനങ്ങളോടെ നടത്തിയ തിരച്ചിലിൽ കെട്ടിടാവശിഷ്ടങ്ങൾക്കിടയിൽ കുടുങ്ങിയ ഒട്ടേറെ പേരെ രക്ഷിക്കാനായതായി സംഘം പറഞ്ഞു. ദുരിതബാധിതർക്ക് ചികിത്സ ഉറപ്പാക്കുകയും അവശ്യസാധനങ്ങൾ എത്തിക്കുകയും ചെയ്തു.
പ്രകൃതി ദുരന്തങ്ങളിൽ രക്ഷാപ്രവർത്തനം നടത്തേണ്ടത് എങ്ങനെയെന്ന് തദ്ദേശവാസികൾക്ക് പരിശീലനം നൽകുകയും ഇതിന് ആവശ്യമായ അത്യാധുനിക ഉപകരണങ്ങൾ സമ്മാനിക്കുകയും ചെയ്തശേഷമാണ് സംഘം മടങ്ങിയത്.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
