ഖത്തറിൽ നിന്നും ഉംറയ്ക്കായി സൗദിയിൽ എത്തിയ മലയാളി കുടുംബം അപകടത്തിൽപ്പെട്ടു; 3 മരണം
Mail This Article
റിയാദ് ∙ ഖത്തറിൽ നിന്ന് ഉംറ നിർവഹിക്കാൻ എത്തിയ മലയാളി കുടുംബം സഞ്ചരിച്ച വാഹനം സൗദിയിൽ അപകടത്തിൽപെട്ട് വീട്ടമ്മയും രണ്ടു പേരക്കുട്ടികളും മരിച്ചു. പാലക്കാട് പിരായിരി മൈത്രിനഗർ തോട്ടത്തിൽ പറമ്പിൽ ഫൈസലിന്റെ മക്കളായ അഭിയാൻ (7), അഹിയാൻ (4), ഭാര്യാമാതാവ് സാബിറ (53) എന്നിവരാണ് ഇന്നലെ രാവിലെയുണ്ടായ അപകടത്തിൽ മരിച്ചത്.
Read also : കെങ്കേമം ഹമദ്! ലോകത്ത് രണ്ടാമത്, മധ്യപൂർവദേശത്ത് ഒന്നാമത്
ഫൈസൽ, ഭാര്യാപിതാവ് അബ്ദുൽ ഖാദർ എന്നിവരെ ആശുപത്രിയിൽ പ്രവേശിപ്പിച്ചു. ഫൈസലിന്റെ ഭാര്യ സുമയ്യ പരുക്കേൽക്കാതെ രക്ഷപ്പെട്ടു. ദോഹ ഹമദ് മെഡിക്കൽ സിറ്റിയിൽ ജീവനക്കാരനാണ് ഫൈസൽ. അബ്ദുൽ ഖാദറും സാബിറയും ഈ മാസം 3നാണ് ഖത്തറിൽ എത്തിയത്. സാബിറയുടെ മറ്റു മക്കൾ: ഷബ്ന, ഐഷ, ഫെബീല, ഷിബിൻ. മരുമക്കൾ: ഫൈസൽ, റൗഫ്, റിഷാദ്.
English Summary: Keralite family of 3 from Qatar died in road accident in Tayif