ബഹ്‌റൈൻ ദേശീയ ദിനം; പെയിന്റിങ് മത്സരം

മനാമ∙ ബഹ്‌റൈൻ ദേശീയ ദിന ആഘോഷങ്ങളുടെ ഭാഗമായി ബഹ്‌റൈൻ കേരള സമാജം ചിത്രകല ക്ലബ്ബിന്റെ ആഭിമുഖ്യത്തിൽ  പെയിന്റിങ് മത്സരം  സംഘടിപ്പിക്കുമെന്ന് ഭാരവാഹികൾ അറിയിച്ചു. ഈ മാസം 15 ന് രാവിലെ 9  മുതൽ സഗയ്യയിലുള്ള സമാജം ഡയമണ്ട് ജൂബിലി ഹാളിലാണ് മത്സരം. അഞ്ചു മുതൽ എട്ടുവയസ്സുവരെയും എട്ടു മുതൽ 11 വയസ്സു വരെയും 11 മുതൽ 14 വയസ്സുവരെയും 14 മുതൽ. 18 വയസ്സ് വരെയും  5 വിഭാഗങ്ങളിലായാണ് മത്സരം. 18 വയസ്സിന് മുകളിലുള്ള മുതിർന്നവർക്കും മത്സരത്തിൽ പങ്കെടുക്കാം. മത്സരത്തിൽ പങ്കെടുക്കുന്ന എല്ലാവർക്കും സർട്ടിഫിക്കറ്റുകളും വിജയികൾക്ക് ആകർഷകമായ സമ്മാനങ്ങളും നൽകും .

മത്സരത്തിൽ പങ്കെടുക്കാൻ ആഗ്രഹിക്കുന്നവർക്ക്  10 വരെ പേര് നൽകാം.   ഓൺലൈനിൽ ആണ് റജിസ്ട്രേഷൻ നടത്തേണ്ടത്. https://www.bksbahrain.com/2023/chitrakala/register.html. ഫോൺ . 35393594, 33088068.