സ്പോർട്സ് ഫെസ്റ്റ്: കടലുണ്ടി ടീം ജഴ്‌സി പ്രകാശനം

ദോഹ ∙ ചാലിയാർ ദോഹ സംഘടിപ്പിക്കുന്ന പത്താമത് സ്പോർട്സ് ഫെസ്റ്റിനുള്ള കടലുണ്ടി ടീമിന്റെ ജഴ്‌സി പ്രകാശനം ചെയ്തു. കഴിഞ്ഞ മൂന്ന് സീസണുകളിൽ സെക്കൻഡ് റണ്ണറപ്പ് ആയിരുന്നു കടലുണ്ടി.

ജഴ്സി പ്രകാശനം മെനിക്കോൺ മാനേജിങ് ഡയറക്ടർ ഫഹീം അബ്ദുൽ ഗഫൂർ, കടലുണ്ടി ടീം മാനേജർ മുഹമ്മദ് റിയാസിന് കൈമാറി നിർവഹിച്ചു.

ചാലിയാർ ദോഹ പ്രസിഡന്റും ഖത്തർ ചാലിയം അസോസിയേഷൻ മുഖ്യ രക്ഷാധികാരിയുമായ സമീൽ അബ്ദുൽ വാഹിദ്, ഖത്തർ ചാലിയം അസോസിയേഷൻ പ്രസിഡന്റ് ഹനീഫ ചാമായിൽ, ജനറൽ സെക്രട്ടറി ശിഹാബ് എ. വി, ട്രഷറർ സജാസ് കോലാന്തറ, റഫീക്ക് കൊരങ്ങോത്ത്, അക്ഷയ് കടലുണ്ടി, അഹമ്മദ് നിയാസ് എന്നിവർ സന്നിഹിതരായിരുന്നു.