നിയമലംഘനം: 2 ഇറച്ചിക്കടകളും സൂപ്പർമാർക്കറ്റും അടപ്പിച്ചു

അബുദാബി ∙ ഭക്ഷ്യസുരക്ഷാ നിയമലംഘനം ആവർത്തിച്ച അബുദാബി മുഷ്റിഫിലെ 2 ഇറച്ചിക്കടകളും ഖാലിദിയയിലെ ഒരു സൂപ്പർമാർക്കറ്റും അടപ്പിച്ചു. ഇറക്കുമതി ചെയ്ത മാംസം പ്രാദേശിക മാംസം എന്ന വ്യാജേനയാണ് ഇറച്ചിക്കടകളിൽ വിറ്റിരുന്നത്. കടയിൽ പാറ്റയുടെ സാന്നിധ്യമുള്ളതും നടപടിക്കു കാരണമായി.കാലഹരണപ്പെട്ട വസ്തുക്കൾ പ്രദർശിപ്പിച്ചതിനാണു സൂപ്പർമാർക്കറ്റ് അടപ്പിച്ചത്. 3 കടകൾക്കും പിഴ ചുമത്തി. നിയമലംഘനം ശ്രദ്ധയിൽപെട്ടാൽ വിളിക്കാൻ ടോൾഫ്രീ നമ്പർ: 800555