മെഹ്ഫിൽ മാധ്യമ, ഹ്രസ്വചിത്ര പുരസ്കാരങ്ങൾ വിതരണം ചെയ്തു

ഷാർജ ∙ യുഎഇയിലെ മികച്ച മാധ്യമ പ്രവർത്തകർക്കും ദുബായ് റീജൻ ഹ്രസ്വചിത്ര മത്സര വിജയികൾക്കുമുള്ള മെഹ്ഫിൽ അവാർഡുകൾ വിതരണം ചെയ്തു. മാധ്യമശ്രേഷ്ഠ അവാർഡ് എം. സി. എ. നാസ്സർ, സാദിഖ് കാവിൽ, ആർജെ ഫസലു, ജോബി വാഴപിള്ളി, ഡയാന എന്നിവർക്ക് സിനിമാ സംവിധായകൻ സജിൻ ലാൽ, സിനിമ– സീരിയൽ നടി ലക്ഷ്മി, നിർമാതാവ് സ്റ്റാൻലി എന്നിവർ വിതരണം ചെയ്തു.

ഷാർജ ഇന്ത്യൻ അസോസിയേഷൻ പ്രസിഡന്റ് നിസാർ തളങ്കര പ്രസംഗിച്ചു. ബഷീർ സിൽസില, പോൾസൺ പാവറട്ടി, ഷാനവാസ്‌ കണ്ണഞ്ചേരി, എ. സുരേഷ് ബാബു, അനുരാജ്, ദിൻഷ, യഹിയ തിരൂർ, റാഫി മതിരാ, സ്റ്റാലിൻ സിൽവസ്റ്റർ, മഞ്ജു പ്രതാപ്, ഷാജി പുരുഷോത്തമൻ എന്നിവർ സംബന്ധിച്ചു.

മികച്ച ചിത്രം : ഏക് കഹാനി, രണ്ടാമത്തെ ചിത്രം : റെയ്സ്, മികച്ച സംവിധാനം : അനൂപ് കുമ്പനാട്, മികച്ച നടൻ : സജിൻ പൂളക്കൽ,
മികച്ച നടി : ഷാലി ബിജു, മികച്ച ക്യാമറ : ഉണ്ണി, മികച്ച എഡിറ്റർ : പ്രെസ്‌ലി വേഗസ്, മികച്ച തിരക്കഥ : റഹ്മത്തു പുളിക്കൽ.