കെ. എം. മാണി സ്മൃതി സംഗമം നടത്തി

മെൽബൺ ∙ കെ. എം. മാണിയുടെ ചരമ വാർഷികത്തോടനുബന്ധിച്ച് പ്രവാസി കേരള കോൺഗ്രസ് (എം) ഓസ്ട്രേലിയ ഓൺലൈൻ സ്മൃതി സംഗമം നടത്തി.  ജോസ് കെ. മാണി എംപി യോഗം ഉദ്ഘാടനം ചെയ്തു. മാണി സാറിന്റെ ദീർഘവീക്ഷണം കാലാതീതമാണെന്ന് തോമസ് ചാഴികാടൻ എം പി പറഞ്ഞു. 

മാണി സാറിന്റെ ചരമവാർഷികത്തോടനുബന്ധിച്ച്  ഓസ്ട്രലിയയുടെ വിവിധ ഭാഗങ്ങളിലുള്ള പ്രവർത്തകര്‍ രക്തദാനം നടത്താറുണ്ട്. ജിജോ ഫിലിപ്പ്, ഷാജു ജോൺ, ജിൻസ് ജയിംസ്, സുമേഷ് ജോസ്, തോമസ് ആൻഡ്രൂ, അലൻ ജോസഫ്,ജിനോ ജോസ്,ജോൺ സൈമൺ, അജേഷ് ചെറിയാൻ, എബി തെരുവത്ത് എന്നിവരുടെ നേതൃത്വത്തിൽ ഈ വർഷവും അതിന് തുടക്കം കുറിച്ചുവെന്ന് നാഷനൽ പ്രസിഡന്റ് ജിജോ ഫിലിപ്പ് കുഴികുളം പറഞ്ഞു. 

യോഗത്തിൽ സിജോ ഈത്തനാംകുഴി സ്വാഗതവും ജോമോൻ മാമലശേരി കൃതജ്‌ഞതയും പറഞ്ഞു. പാർട്ടിയുടെ കേരള സ്റ്റേറ്റ് കമ്മറ്റിയംഗം പ്രദീപ് വലിയപറമ്പിൽ, സെബാസ്‌റ്റ്യൻ ജേക്കബ്,ജിൻസ് ജയിംസ്, കെന്നടി പട്ടുമാക്കിൽ, ഷാജു ജോൺ,  റ്റോമി സ്കറിയ, സിബിച്ചൻ ജോസഫ്, റോബിൻ ജോസ്, ബൈജു സൈമൺ എന്നിവർ സംസാരിച്ചു. 

ജോസി സ്റ്റീഫൻ, ഡേവിസ് ചക്കൻ കളം, ഐബി ഇഗ്‌നേഷ്യസ്, ബിജു പള്ളിയ്ക്കൽ, ജോൺ സൈമൺ, ഹാജു തോമസ്, ജോഷി കുഴിക്കാട്ടിൽ, ജിനോ ജോസ്, ജിബിൻ ജോസഫ്, ഷെറിൻ കുരുവിള, ജോയിസ്,നവിൻ, ജിബി എന്നിവർ നേതൃത്വം നൽകി.