സ്കോഫീൽഡ്‌സ്∙ സമൃദ്ധിയുടെയും സാഹോദര്യത്തിന്റെയും സ്മരണകൾ ഉണർത്തികൊണ്ടു ഓസ്‌ട്രേലിയയിലെ സ്കോഫീൽഡ്‌സിൽ മലയാളികൾ ഓണം ആഘോഷിച്ചു. ഓസ്‌ട്രേലിയിലെ സിഡ്നി മഹാനഗരത്തിന്റെ വടക്കു പടിഞ്ഞാറു സ്ഥിതി ചെയുന്ന , ധാരാളം മലയാളികൾ സ്ഥിര താമസമാക്കിയ ഒരു സബർബ് ആണ് സ്കോഫീൽഡ്‌സ് . ഇവിടെ പുതുതായി രൂപീകരിച്ച Malayalee Association of SchofieldS അഥവാ MASS ന്റെ ആഭിമുഖ്യത്തിൽ ആണ് ഇക്കഴിഞ്ഞ ഓഗസ്റ്റ് 19 ആം തീയതി വിപുലമായ രീതിയിൽ , വർണാഭമായ കലാ സാംസ്‌കാരിക പരിപാടികളോടെ ഓണാഘോഷം നടത്തിയത് .
കേരളീയ സംസ്കാരത്തിന്റെ തനിമ വിളിച്ചോതുന്ന തിരുവാതിരയും മറ്റു നൃത്ത നൃത്യങ്ങളോടൊപ്പം തന്നെ സിഡ്‌നിയിലെ അനുഗ്രഹീത കലാകാരൻമാർ അവതരിപ്പിച്ച ഗാനമേളയും എറെ ശ്രദ്ധ ആകർഷിച്ചു .ഓണത്തിന്റെ ഗൃഹാതുരത്വം വിളിച്ചോതിക്കൊണ്ടു വിഭവ സമൃദ്ധമായ ഓണ സദ്യയും, തുടർന്ന് വിവിധങ്ങളായ ഓണ കളികളും ഉണ്ടായിരുന്നു . സ്കോഫീൽഡ്‌സിലെ മലയാളികൾക്കു ഓണാശംസകൾ നേർന്നു കൊണ്ട് ന്യൂ സൗത്ത് വെയിൽസ്‌ എംപി Warren Kirby സംസാരിച്ചു
MASS ന്റെ പ്രഥമ ഓണാഘോഷം വിജയകരമാക്കി തീർത്ത എല്ലാവര്ക്കും പ്രസിഡന്റ് മാത്യൂസ് , സെക്രട്ടറി ജോൺസൻ , വൈസ് പ്രസിഡന്റ് ബിനൂപ് തുടങ്ങിയവർ കോർ കമ്മിറ്റിക്കു വേണ്ടി നന്ദി പ്രകടിപ്പിച്ചു .
English Summary: Malayalee Association of Schofields celebrated Onam.
