ഐപിസിഎൻഎ മാധ്യമ സമ്മേളനം: സാജ് എർത്ത് റിസോർട്ട് പ്ലാറ്റിനം സ്പോൺസർ

മയാമി ∙ ഇന്ത്യ പ്രസ് ക്ലബ് ഓഫ് നോർത്ത് അമേരിക്കയുടെ രാജ്യാന്തര മാധ്യമ സമ്മേളനത്തിന് സാജ് എർത്ത് റിസോർട്ട് ആൻഡ് കൺവൻഷൻ സെന്റർ പ്ലാറ്റിനം സ്പോൺസർ.  2023 നവംബർ 2 മുതൽ 4 വരെ മയാമിയിലുള്ള ഹോളിഡേ ഇൻ മയാമി വെസ്റ്റ് ഹോട്ടലിൽ വച്ചാണ് മാധ്യമ സമ്മേളനം നടക്കുന്നത് . രാഷ്ട്രീയ-സാമൂഹിക-മാധ്യമ രംഗത്തെ പ്രമുഖർ ചടങ്ങിൽ പങ്കെടുക്കും.നവ 3 വെളിയാഴ്ചയും 4 ന് ശനിയാഴ്‌ചയും രാവിലെ 10 മുതൽ രാത്രി 10 മണി വരെ സെമിനാറുകളും, ഓപ്പൺ ഫോറവും , പൊതു സമ്മേളനവും, വൈവിധ്യമാർന്ന കലാപരിപാടികളും നടക്കും. പ്രവേശനം സൗജന്യമാണ് .

കൊച്ചിയിലെ സാജ് 2സാജ് എർത്ത് റിസോർട്ട് ആൻഡ് കൺവൻഷൻ സെന്ററിന് പ്രവർത്തന മികവിനും, ഗുണനിലവാരത്തിനും മൂല്യത്തിനും ഒട്ടേറെ അംഗീകാരങ്ങൾ ലഭിച്ചിട്ടുണ്ട് . അത്യാധുനിക സൗകര്യങ്ങളും സമാനതകളില്ലാത്ത സേവന നിലവാരവും സാജ് റിസോർട്ടിന്റെ സവിശേഷതയാണ് . ഗ്രൂപ്പ് ചെയർമാൻ സാജൻ വർഗീസും ഭാര്യ മിനി സാജനും ചേർന്നുള്ള നേരിട്ടുള്ള മേൽനോട്ടവും, ലോകമെങ്ങും അവർ  സഞ്ചരിച്ചു സ്വായത്തമാക്കിയ ഗുണനിലവാരത്തിൻന്റെയും, ആതിഥ്യമര്യാദകളുടെയും സംയോജനമാണ് സാജ് എർത്ത് റിസോർട്ടിന്റെ വിജയഗാഥ .

സാജ്  കൺവൻഷൻ സെന്റർ കൊച്ചിയിലെ പ്രിയപ്പെട്ട ഇവന്റ് ഹബ്ബുകളിൽ ഒന്നാണ്. വ്യത്യസ്‌ത ഇരിപ്പിട ശേഷികളുള്ള വ്യത്യസ്ത തരം കൺവൻഷൻ ഹാളുകളുള്ള  പൂർണ്ണമായും എയർകണ്ടീഷൻ ചെയ്‌തവയാണ്. 2,000 പേർക്ക് ഇരിക്കാവുന്ന (തീയറ്റർ ശൈലി)  ‌ബാൾ റൂം  വിവാഹങ്ങൾ, റിസപ്ഷനുകൾ, മെഗാ ഷോകൾ തുടങ്ങി ഏത് തരത്തിലുള്ള പരിപാടികളും നടത്തുന്നതിന് അനുയോജ്യമാക്കുന്നു. ഇതുകൂടാതെ, കോർപ്പറേറ്റ് ബോർഡ് മീറ്റിങ്ങുകൾ, സ്ട്രാറ്റജി പ്ലാനിങ്, റിവ്യൂ മീറ്റിങ്ങുകൾ തുടങ്ങിയവ നടത്തുന്നതിന്  മികച്ച ‘ബോർഡ് റൂം’ ഉണ്ട്.. . 100 മുതൽ 150 വരെ ആളുകൾക്ക് ചെറിയ ഗ്രൂപ്പുകൾക്കായി ഡിന്നർ പാർട്ടികൾ നടത്തുന്നതിന് അനുയോജ്യമായ ഒരു ഓപ്പൺ എയർ വേദി ‘ചെമ്പക ഗാർഡൻസ്’ സാജിലുണ്ട് . റിസോർട്ടിനുള്ളിലാണ് കൺവൻഷൻ സെന്റർ സ്ഥിതിചെയ്യുന്നത്, ഡെലിഗേറ്റുകൾക്ക് പ്രീമിയം താമസ സൗകര്യം പ്രദാനം ചെയ്യുന്നു. കാറ്ററിങ് സർവീസ്, വിശാലമായ പാർക്കിങ് സ്ഥലം, വാലെറ്റ് പാർക്കിങ്സേവനം എന്നിവയാണ് സാജ്  കൺവൻഷൻ സെന്ററിന്റെ മറ്റ് ആകർഷണങ്ങൾ.

ഇടുക്കി ജില്ലയിലെ അതിർത്തി പട്ടണമായ വാഗമൺ എന്ന സ്ഥലത്താണ് ‘സാജ്  വാഗമൺ ഹൈഡ്ഔട്ട്' സാജ് ഗ്രൂപ്പിന്റെ മറ്റൊരു  സംരംഭമാണ്. പരമ്പരാഗത വാസ്തുവിദ്യാ സാങ്കേതിക വിദ്യകൾ പിന്തുടർന്ന് പ്രകൃതിദത്തമായ ചെളിയും കല്ലും മാത്രം ഉപയോഗിച്ച് നിർമിച്ച 30 ഏക്കറിലെ സ്വതന്ത്ര കോട്ടേജുകൾ ശാന്തമായ തടാകത്തിന് ചുറ്റും ആണ് നിർമിച്ചിരിക്കുന്നത്.