പ്രതിഷേധങ്ങൾ നടക്കുന്ന ക്യാംപസുകൾ ബൈഡൻ സന്ദർശിക്കണമെന്നു റോ ഖന്ന

കലിഫോർണിയ ∙ കോളജുകളിലും സർവകലാശാലകളിലും നടന്ന പലസ്തീൻ അനുകൂല പ്രതിഷേധങ്ങൾ 2024 ലെ പ്രസിഡന്റ് തിരഞ്ഞെടുപ്പിനെ ബാധിക്കുമെന്നതിനാൽ പ്രസിഡന്റ് ക്യാംപസുകൾ സന്ദർശിക്കുമെന്ന് ഞാൻ കരുതുന്നു. ഒരു അഭിമുഖത്തിനിടെ ജനപ്രതിനിധി റോ ഖന്ന പറഞ്ഞു.

പ്രതിഷേധിക്കാനുള്ള അവകാശമുണ്ടെങ്കിലും അരാജകത്വം സൃഷ്ടിക്കാൻ അവകാശമില്ലെന്ന് ബൈഡൻ കഴിഞ്ഞ ആഴ്ച പ്രതിഷേധത്തെ അപലപിക്കുന്നതിനിടയിൽ പറഞ്ഞിരുന്നു. പ്രതിഷേധങ്ങൾ, മിഡിൽ ഈസ്റ്റിലെ ഒരു നയവും പുനർവിചിന്തനം ചെയ്യാൻ ബൈഡനെ പ്രേരിപ്പിക്കില്ലെന്ന് റോ ഖന്ന പറഞ്ഞു.

മിഡിൽ ഈസ്റ്റിൽ നടക്കുന്ന കാര്യങ്ങളിൽ യുവാക്കൾ അസ്വസ്ഥരാണെന്ന് പ്രസിഡന്റ് മുതൽ താഴെയുള്ള എല്ലാവർക്കും അറിയാം. യുദ്ധം അവസാനിപ്പിക്കണമെന്നും അദ്ദേഹം പറഞ്ഞു.