നടുവേദന അകറ്റാൻ വീട്ടിൽ ചെയ്യാം വക്രാസനം യോഗ

yoga
വക്രാസനം യോഗ ചിത്രം 1
SHARE

നീണ്ടു നിവർന്ന് ഇരുന്നും നിന്നും ഒരുപോലെ പരിശീലിക്കാവുന്ന ആസനമാണ് വക്രാസനം. ആദ്യമായി ചെയ്യുന്നവർ ഇവിടെ പറയും വിധം ദണ്ഡമാസനത്തിൽ ചെയ്യുന്നതാണ് ഉത്തമം. പിന്നെ സുഖാസനം, അർധപത്മാസനം, പദ്മാസനം, വജ്രാസനം എന്നീ രീതികളിൽ അഭ്യസിക്കാം. താഴെ ഇരിക്കാനും നിവർന്നു നിൽക്കാനും കഴിയാത്തവർക്കു കസേരയിലോ കിടക്കയിലോ ഇരുന്നു പരിശീലിക്കാം. ഗർഭിണികൾക്കു ഗർഭകാലം മുഴുവൻ വക്രാസനം ചെയ്യാം. നടുവേദനയ്ക്കു ഫലപ്രദമായ ഒരു വ്യായാമമാണിത്. നട്ടെല്ലും അനുബന്ധ നാഡികളും ഞരമ്പുകളുമെല്ലാം ബലപ്പെടുകയും അയവുള്ളതാവുകയും ചെയ്യും. നട്ടെല്ലു നിവരുന്നതിനാൽ കൂന് ഒരു പരിധിവരെ മാറിക്കിട്ടാനും സഹായിക്കും. 

vakrasanam-yoga2
വക്രാസനം യോഗ ചിത്രം 2

ചിത്രം ഒന്നിൽ കാണുന്ന വിധം ഇരുന്നു ദീർഘമായി ശ്വാസം അകത്തേക്ക് എടുക്കുക. 2-3 സെക്കൻഡിനു ശേഷം ശ്വാസം പുറത്തേക്കുവിട്ടുകൊണ്ടു ചിത്രം 2ൽ കാണുന്ന വിധം അരക്കെട്ട് മുതൽ തല വരെ വലതു വശത്തേക്കു തിരിച്ച് അൽപം പിരിവു കൊടുക്കാം. കൈകൾ ഭൂമിക്കു സമാന്തരമായും അരയ്ക്കു താഴെ ഭാഗം അനങ്ങാതെയും പിടിച്ചു നിർത്തണം. 2-3 സെക്കന്റ് സമയം അങ്ങനെ നിന്ന ശേഷം ശ്വാസം അകത്തേക്കെടുത്തു ചിത്രം ഒന്നിലേതു പോലെ പൂർവസ്ഥിതിയിലാവണം. ഇതേ വിധം ഇടതുവശത്തേക്കും ചെയ്യണം. ഇരുവശങ്ങളിലേക്കും മാറി മാറി കുറഞ്ഞത് 8 തവണയെങ്കിലും അഭ്യസിക്കണം. 

English Summary: Vakrasanam Yoga

ഡോക്ടറുടെ ആദ്യ ടോക്കൺ ലഭിക്കേണ്ടേ? റജിസ്റ്റർ ചെയ്യൂ, ഇപ്പോൾതന്നെ

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN FITNESS & YOGA
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
FROM ONMANORAMA