നടുവേദനയ്ക്ക് ആശ്വാസമായി സേതുബന്ധാസനം; ചെയ്യുന്ന വിധം അറിയാം
![setubandhasana setubandhasana](https://img-mm.manoramaonline.com/content/dam/mm/mo/health/fitness-and-yoga/images/2022/11/8/setubandhasana-article.jpg?w=1120&h=583)
Mail This Article
നട്ടെല്ല് ന്നനായി പുറകിലേക്ക് വളയാൻ സഹായിക്കുന്ന ഒരാസനമാണ് സേതുബന്ധാസനം. അതുകൊണ്ടുതന്നെ ലോവർ ബാക്പെയ്ന് ശമനം നൽകാൻ ഈ ആസനം വളരെ പ്രയോജനകരമാണ്. നട്ടെല്ലിന്റെ പുറകിൽ മാത്രമല്ല തോളിനും കഴുത്തിനുമുണ്ടാകുന്ന വേദനയ്ക്കും പരിഹാരമാണ് സേതുബന്ധാസനം. ഉദരത്തിനും സ്ട്രെച്ചിങ് ലഭിക്കും. കഴുത്തിന് അമിത വേദന ഉള്ളവരും തോളിന് എന്തെങ്കിലും പരുക്ക് പറ്റിയിട്ടുള്ളവരും ഈ ആസനം ചെയ്യാൻ പാടില്ല. ഗർഭിണികൾ ഈ ആസനം ചെയ്യുന്നത് വളരെ ഉത്തമമാണ്. എന്നാൽ യോഗഇൻസ്ട്രക്ടറിൽ നിന്നുമാത്രം കേട്ടും കണ്ടും അറിഞ്ഞും പരിശീലിക്കണമെന്നു മാത്രം.
ചെയ്യുന്ന വിധം
![sethubandhasana1 sethubandhasana1](https://img-mm.manoramaonline.com/content/dam/mm/mo/config-assets/mo-default.jpg)
![sethubandhasana2 sethubandhasana2](https://img-mm.manoramaonline.com/content/dam/mm/mo/config-assets/mo-default.jpg)
ആദ്യം മലർന്നു കിടക്കുക. കൈകൾ കമഴ്ത്തി ശരീരത്തോടു ചേർത്തുവയ്ക്കാം
![sethubandhasana3 sethubandhasana3](https://img-mm.manoramaonline.com/content/dam/mm/mo/config-assets/mo-default.jpg)
![sethubandhasana4 sethubandhasana4](https://img-mm.manoramaonline.com/content/dam/mm/mo/config-assets/mo-default.jpg)
കാൽമുട്ടുകൾ മടക്കിവയ്ക്കുക. കാലുകൾക്കിടയിൽ ഒരു നിശ്ചിത അകലം പാലിക്കുക. തോളുകൾ അയഞ്ഞിരിക്കട്ടെ
ശ്വാസം എടുത്തുകൊണ്ട് പതിയെ നട്ടെല്ലിന്റെ അടിഭാഗം ആവുന്ന വിധം ഉയർത്തിക്കൊടുക്കുക. താടി നെഞ്ചിലേക്ക് മുട്ടിഇരിക്കാം
![sethubandhasana5 sethubandhasana5](https://img-mm.manoramaonline.com/content/dam/mm/mo/config-assets/mo-default.jpg)
ശ്വാസം വിട്ടുകൊണ്ട് ബലം പിടിക്കാതെ പതിയെ പൂർവസ്ഥിതിയിലേക്കു വരാം.
5 പ്രാവശ്യം നിരന്തരം ചെയ്യുമ്പോൾതന്നെ ലോവർ ബാക്പെയ്ന് നല്ല ആശ്വാസം ലഭിക്കും.
ഓരോ കാലുകളായി നീട്ടിവച്ച് കൈകൾ മലർത്തിവച്ച് ശവാസനത്തിൽ വിശ്രമിക്കാം.
Content Summary: Setu Bandhasana for Backpain Relief