ആർത്തവ വയറുവേദന പ്രസവത്തോടെ മാറുമോ?

ആർത്തവം ആരംഭിച്ചു കഴിഞ്ഞ ചെറിയ പ്രായത്തിലുള്ള പെൺകുട്ടികളിൽ കണ്ടു വരുന്ന വയറുവേദന പ്രൈമറി ഡിസ്മെനൂറിയ എന്നാണ് അറിയപ്പെടുന്നത്. ആദ്യ ആർത്തവം കഴിഞ്ഞ് ഒന്നു രണ്ടു വർഷത്തിനുശേഷം ആർത്തവ വേദന കണ്ടു തുടങ്ങും. അണ്ഡവിസർജനം നടക്കുന്നതിനു സഹായിക്കുന്ന ഹോർമോണുകളുടെ സാന്നിധ്യമാണു വേദന ഉണ്ടാക്കുന്നത്. 

അണ്ഡവിസർജനത്തിനുശേഷം ഏതാനും ദിവസം കഴിയുന്നതോടെ ചില ഹോർമോൺ വ്യതിയാനങ്ങളുണ്ടാകും. ഇത് ഗർഭപാത്ര പേശികളെ സങ്കോചിപ്പിക്കും. അതുമൂലം ഗർഭപാത്രത്തിലേക്കുള്ള രക്തപ്രവാഹം തടസ്സപ്പെട്ട് വയറു വേദനയുണ്ടാകുന്നു. പ്രസവത്തിനുശേഷം ഗർഭപാത്രത്തിലേക്കുള്ള രക്തപ്രവാഹം കൂടുന്നതിനാൽ ചിലരിൽ പ്രസവ ശേഷം ആർത്തവ സംബന്ധമായ വേദന ഇല്ലാതാകുന്നതായി കണ്ടു വരാറുണ്ട്.