സ്ത്രീകളിലെ താടിയും മീശയും തടയാൻ?

അമിത വണ്ണമുള്ളവരിൽ പിസിഒഡി എന്ന ഹോർമോൺ പ്രശ്നത്തെത്തുടർന്ന് താടിയിലും മേൽചുണ്ടിലും പുരുഷന്മാരെപ്പോലെ രോമവളർച്ചയുണ്ടാകും. അവരിൽ ആർത്തവ ക്രമക്കേടുകളും ഉണ്ടാകും. താടിയും മീശയും ക്രമമല്ലാത്ത ആർത്തവവും ഉണ്ടാകാനുള്ള മറ്റൊരു കാരണം, പുരുഷ ഹോർമോണായ ടെസ്റ്റോസ്റ്റിറോണിന്റെ അമിത ഉൽപാദനം മൂലമുണ്ടാകുന്ന ഹെർപ്യൂട്ടിസം എന്ന പ്രശ്നമാണ്. 

രോമ വളർച്ച തടയാൻ ഹോർമോൺ ചികിത്സ നടത്താവുന്നതാണ്. കുറഞ്ഞത് പത്തു മാസമെങ്കിലും ചികിത്സ നടത്തിയാലേ ഇത് മാറുകയുള്ളൂ. ഡോക്ടറുടെ നിർദേശ പ്രകാരം മാത്രമേ ഹോർമോൺ ഗുളികകൾ കഴിക്കാൻ പാടുള്ളൂ. രോമം താൽക്കാലികമായി കളയാൻ ലേസർ തെറാപ്പി, ഇലക്ട്രോളൈസിസ്, വാക്സിങ്, ബ്ലീച്ചിങ് തുടങ്ങിയ മാർഗം വഴി കഴിയും. അതിന് ഒരു കോസ്മറ്റിക് ഡോർമറ്റോളജിസ്റ്റിന്റെ സഹായം തേടാം.