ഹെപ്പറ്റൈറ്റിസ് – എ: അറിഞ്ഞിരിക്കാം ഈ വിവരങ്ങൾ

കരൾ വീക്കത്തിൽ തുടങ്ങി കരളിന്റെ പ്രവർത്തനം നിലയ്ക്കുന്നതു വരെയുള്ള സങ്കീർണതകളിലേക്ക് നയിക്കുന്ന രോഗമാണിത്. ഹെപ്പറ്റൈറ്റിസ് – എ എന്ന വൈറസാണ് രോഗകാരണം. രോഗാണുക്കൾ ശരീരത്തിൽ പ്രവേശിച്ചു 14 മുതൽ 28 ദിവസത്തിനു ഇടയ്ക്കു രോഗ ലക്ഷണങ്ങൾ കണ്ടു തുടങ്ങും. മലിനമായ ജലത്തിലൂടെയും ആഹാരത്തിലൂടെയുമാണ് ഹെപ്പറ്റൈറ്റിസ് വൈറസ് മനുഷ്യരിലേക്ക് എത്തുന്നത്. 

ലക്ഷണങ്ങൾ

∙ പനി

∙ ശരീരവേദന

∙ തളർച്ച

∙ ക്ഷീണം

∙ വിശപ്പില്ലായ്മ

∙ ഓക്കാനം

∙ ഛർദി

∙ കടും മഞ്ഞനിറത്തിലുള്ള മൂത്രം

∙ തലവേദന

∙ വയറുവേദന

∙ ത്വക്കിലും ശരീരത്തിലും മഞ്ഞ നിറം

ചികിത്സ – ശ്രദ്ധിക്കേണ്ട കാര്യങ്ങൾ

∙ രോഗലക്ഷണങ്ങൾ കണ്ടാലുടൻ ആരോഗ്യ പ്രവർത്തകരെ വിവരം അറിയിക്കുകയും ആശുപത്രിയിൽ ചികിത്സ തേടുകയും ചെയ്യണം. 

∙ മല–മൂത്ര വിസർജനത്തിനു ശേഷം കൈകൾ സോപ്പ് ഉപയോഗിച്ചു നന്നായി കഴുകണം.

∙ കുടിക്കാനുള്ള വെള്ളം ക്ലോറിനേറ്റ് ചെയ്തതിനു ശേഷം 20 മിനിറ്റ് തിളപ്പിച്ചു മാത്രം ഉപയോഗിക്കുക.

∙ ഭക്ഷണ പദാർഥങ്ങൾ അടച്ചു സൂക്ഷിക്കുക

∙ തുറന്നിരിക്കുന്ന ഭക്ഷണ പാനീയങ്ങൾ ഒഴിവാക്കുക.

∙ വ്യക്തി ശുചിത്വം പാലിക്കുക