ആവശ്യത്തിനു കാലറി ലഭിക്കുന്നുണ്ടോ? എങ്ങനെ അറിയാം
Mail This Article
ഡയറ്റിലായാലും അല്ലെങ്കിലും ആവശ്യത്തിനു കാലറി നിങ്ങളുടെ ശരീരത്തിന് ലഭിക്കുന്നുണ്ടോ എന്ന് എങ്ങനെ അറിയാം ? ഒരു ദിവസം നിങ്ങള് കഴിക്കുന്ന കാലറിയെ ആശ്രയിച്ചാണ് ഭാരം, ഫിറ്റ്നസ് ലവല്, ഊര്ജ്ജം എന്നിവ നിർണയിക്കുന്നത്. നിങ്ങളുടെ കാലറി ഇന്ടേക്ക് ആവശ്യത്തിനാണോ അല്ലയോ എന്ന് ചില ലക്ഷണങ്ങളിലൂടെ മനസ്സിലാക്കാം.
മുടി കൊഴിച്ചില് - മുടി കൊഴിച്ചില് അധികമാകുന്നുണ്ടോ? എങ്കില് നിങ്ങള് നിങ്ങള് ആവശ്യമുള്ള കാലറി കഴിക്കുന്നില്ല എന്നാണ് അര്ഥം. കാലറി, പ്രോട്ടീന് , അയണ് എന്നിവ നന്നായി ശരീരത്തിലെത്തിയാല് മുടിയുടെ ആരോഗ്യം വര്ധിക്കും.
പ്രതിരോധശക്തി - പ്രതിരോധശക്തി കുറയുമ്പോഴാണ് രോഗങ്ങള് പിടികൂടുന്നത്. ദിവസവും ലഭിക്കുന്ന കാലറി കുറവാണെങ്കിൽ അത് പ്രതിരോധശക്തിയെ ബാധിക്കും. അടിക്കടി രോഗങ്ങള് വരുന്നുണ്ട് എങ്കില് ഇത് ശ്രദ്ധിക്കുക.
ജലദോഷം -അടിക്കടി ഉണ്ടാകുന്ന ജലദോഷം കാലറി കുറവിന്റെ ലക്ഷണമാകാം.
ചർമ രോഗങ്ങള് - ഡ്രൈ സ്കിന്, നിരന്തരം ഉണ്ടാകുന്ന ചര്മരോഗങ്ങള് എല്ലാം ലോ കാലറിയുടെ ലക്ഷണങ്ങള് ആണ്.
English Summary: Signs that indicate you are not eating enough calories