ഇനി പഞ്ചസാര കഴിച്ചാല് വണ്ണം കൂടുമെന്ന പേടിയെ വേണ്ട! കാരണം ഇതാണ്
Mail This Article
വണ്ണം കുറയ്ക്കുന്ന കാര്യം ചിന്തിക്കുമ്പോള് ആദ്യം മനസ്സില് വരുന്നത് പഞ്ചസാര ഉപയോഗം കുറയ്ക്കുക എന്നതാണ്. എന്നാല് പലര്ക്കും സാധിക്കാത്ത കാര്യവുമാണിത്. ഷുഗര് ഇല്ലാത്ത ആഹാരം എന്നത് ഉപ്പില്ലാത്ത കഞ്ഞി പോലെയാണ് എന്ന് പറഞ്ഞാലും തെറ്റില്ല. എന്നാല് ഇനി ഇതേക്കുറിച്ച് ആലോചിച്ച് ഒട്ടും വിഷമിക്കേണ്ട. മധുരം കഴിച്ചു കൊണ്ടുതന്നെ ഇനി ഡയറ്റ് ചെയ്യാം. അതാണ് ആലൂലോസ് (Allulose).
2015 ലാണ് ആലൂലോസ് ആദ്യമായി വിപണിയില് എത്തുന്നത്. ഇതിലെ ലോ കാലറി കൗണ്ടാണ് ആലൂലോസിന്റെ പ്രിയം വർധിപ്പിക്കുന്നത്. നമ്മള് സാധാരണ ഉപയോഗിക്കുന്ന പഞ്ചസാരയെ അപേക്ഷിച്ച് തൊണ്ണൂറുശതമാനം കാലറി കുറവാണ് ഇതില്.
ചക്ക, ഗോതമ്പ്, ഫിഗ്, മേപ്പിള് സിറപ്പ്, ബ്രൗണ് ഷുഗര് എന്നിവയില് കാണപ്പെടുന്ന സിംപിള് ഷുഗര് തന്നെയാണ് ആലൂലോസ്.
നമ്മുടെ ശരീരം ആലൂലോസ് ആഗിരണം ചെയ്യുമെങ്കിലും അതിനെ മെറ്റബോളിസ് ചെയ്യുന്നില്ല. ഇതാണ് ഇതിനെ ലോ കാലറി ഫുഡ് ആക്കുന്നത്. ഇതേ ആലൂലോസ് നിര്മിക്കാനും സാധിക്കും. പ്രമേഹ രോഗികള്ക്കും ആലൂലോസ് നല്ലതാണ്. ഭാരം കുറയ്ക്കുന്നവര്ക്കും ഉപയോഗിക്കാം.
English Summary: Allulose, the new sugar