മുതിർന്ന പൗരന്മാരിലെ വീഴ്ച അകറ്റാൻ ചെയ്യാം ഈ 7 കാര്യങ്ങൾ

fall down
Photo Credit: Goodboy Picture Company/ Istockphoto
SHARE

മുതിർന്ന പൗരന്മാരെ പലപ്പോഴും അലട്ടുന്ന പ്രശ്നമാണ് നിലതെറ്റിയുള്ള വീഴ്ച. എവിടെയെങ്കിലും വീഴുമോ എന്ന ഭയം ഇവർക്കു മിക്കപ്പോഴുമുണ്ടാകും. 

വീഴ്ച അകറ്റാൻ

∙ രാവിലെ കിടക്കയിൽ നിന്ന് എഴുന്നേൽക്കുന്ന സമയത്ത് കിടക്കയിൽത്തന്നെ 30 സെക്കൻഡ് എങ്കിലും ഇരുന്ന ശേഷം എഴുന്നേൽക്കുക. കിടക്കയ്ക്ക് അരികിൽത്തന്നെ 30 സെക്കൻഡ് എങ്കിലും നിന്ന ശേഷം നടന്നു തുടങ്ങുക. അഥവാ വീഴാൻ തുടങ്ങിയാലും വീഴുന്നത് കിടക്കയിലേക്ക് ആക്കാമെന്നതിനുവേണ്ടിയാണിത്. 

∙ നനഞ്ഞ പ്രതലത്തിൽ നടക്കരുത്.

∙ ബാത്ത്റൂമിൽ വെസ്റ്റേൺ ക്ലോസറ്റിനു സമീപം ഗ്രാബ് ഹാൻഡിൽ പിടിപ്പിക്കുക. എഴുന്നേൽക്കുന്നത് ഗ്രാബ് ഹാൻഡിലിൽ പിടിച്ചാകണം. 

∙ ബാത്ത്റൂമിൽ കസേരയിലോ സ്റ്റൂളിലോ ഇരുന്നു കുളിക്കാം. നിന്നു കുളിച്ചാൽ വീഴാൻ സാധ്യതയുണ്ട്. 

∙ പാന്റ്സ് ധരിക്കുന്നത് കസേരയിലോ കട്ടിലിലോ ഇരുന്നുകൊണ്ടു ചെയ്യുക. 

∙ ചുമരിൽ ഫോട്ടോ പതിക്കാനോ ഫാനിന്റെ അറ്റകുറ്റപ്പണി നടത്താനോ ഒക്കെ സ്റ്റൂളിലോ കസേരയിലോ കയറിനിൽക്കുന്നത് ഒഴിവാക്കണം. 

∙ കിടപ്പുമുറിയിൽ കോളിങ് ബെൽ ഘടിപ്പിക്കുക. അത്യാവശ്യ ഘട്ടങ്ങളിൽ മറ്റുള്ളവരെ വിളിക്കാൻ അത് ഉപകരിക്കും. 

Content Summary: Old age health care tips

ഡോക്ടറുടെ ആദ്യ ടോക്കൺ ലഭിക്കേണ്ടേ? റജിസ്റ്റർ ചെയ്യൂ, ഇപ്പോൾതന്നെ

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
Video

എനിക്ക് മലയാളം വായിക്കാനറിയില്ല. അമ്മ വായിച്ചുതരും

MORE VIDEOS