സുഖമായി ജീവിക്കാൻ ഒരുനിലവീട് ധാരാളം; പ്ലാൻ

അധികം ചെലവ് വരാതെ മൂന്നു കിടപ്പുമുറികളും അത്യാവശ്യ സൗകര്യങ്ങളും ഉൾപ്പെടുത്തിയ ഒരു വീട്​ വേണം എന്നായിരുന്നു തൃശൂർ പുത്തൻചിറ സ്വദേശി ജോബിയുടെ ആഗ്രഹം. 11.5 സെൻറ്​ ​നീളൻ ആകൃതിയുള്ള പ്ലോട്ടിൽ കുറഞ്ഞ സമയം കൊണ്ട് സമകാലിക ശൈലിയിൽ  മനോഹരമായ വീടൊരുക്കിയാണ് നിർമാതാക്കൾ ആ സ്വപ്നം സഫലമാക്കി നൽകി.

കൃത്യമായ രീതിയിൽ പ്ലാനും ഡിസൈനും ചെയ്തതുകൊണ്ട്, ഒട്ടും സ്​പേസ്​ വേസ്​റ്റ്​ വരാതെയാണ് വീട്​ ഒരുക്കിയത്​.  കാർപോർച്ച്, സിറ്റ്ഔട്ട്, ലിവിങ്, ഡൈനിങ് , പ്രയർ ഏരിയ, മൂന്ന്​ കിടപ്പുമുറികൾ, മൂന്ന് അറ്റാച്ഡ് ബാത്റൂം, വാഷ് ഏരിയ, അടുക്കള, വർക്ക് ഏരിയ എന്നീ സൗകര്യങ്ങളാണ്​ 1510 ചതുരശ്രയടിയിൽ ഉൾപ്പെടുത്തിയത്​. 

ലിവിങ് & ഡൈനിങ് ഏരിയ L ആകൃതിയിലാണ് ക്രമീകരിച്ചിരിക്കുന്നത്. ഇത്​ അകത്തള​ത്തിൽ ​വിശാലത തോന്നിപ്പിക്കാൻ സഹായിക്കുന്നു. ലിവിങ് റൂമിന്റെ ഒരു ഭാഗം ടി.വി യൂണിറ്റ് നൽകാൻ ചുമർ ഹൈലൈറ്റ്​ ചെയ്​ത്​ നീഷ്  സ്‌പേസും ടെക്സ്ചർ പെയിന്റും അടിച്ചു. കൂടാതെ ജിപ്സം സീലിങ്ങും ഫാൻസി ലൈറ്റും കൊടുത്തത് ലിവിങ് റൂമിന്റെ ഭംഗി കൂട്ടുവാൻ സഹായിച്ചു.

ലിവിങ് - ഡൈനിങ് സ്‌പേസിന്റെ മധ്യത്തിൽ പ്രെയർ യൂണിറ്റ് കൊണ്ട് വേർതിരിച്ചു. ഡൈനിങ് സ്പേസിൽ സീലിങിന്റെ  ഇരുവശത്തുമായി പർഗോളകൾ കൊടുത്തത് കൂടുതൽ വെളിച്ചം കിട്ടുവാൻ കാരണമായി. ഡൈനിങ് & പ്രയർ ഏരിയ ജിപ്സം സീലിങ് ചെയ്ത് ഫാൻസി ലൈറ്റുകൾ കൊടുത്തത് അകത്തളത്തിന് ഭംഗി വർധിപ്പിക്കുന്നു. ഡൈനിങ്​ ഹാളിൽ ക്രോക്കറി ഷെൽഫും കൂടാതെ അടുക്കളയിലേക്ക് ഓപണിങ്ങും ചിട്ടപ്പെടുത്തി. അടുക്കളയിലെ ബ്രേക്ക് ഫാസ്റ്റ് ടേബിൾ വേറിട്ട ഭംഗി പ്രദാനം ചെയ്യുന്നു.

ബെഡ്റൂമുകളിൽ എല്ലാം ഇളംനിറമാണ് അടിച്ചത്. കൂടാതെ മൂന്ന്‌ ബെഡ്റൂമിലും ഓരോ ഭിത്തി ഹൈലൈറ്റ് ചെയ്ത് , കബോർഡ് സ്പേസ് കൊടുത്തത് ബെഡ്റൂമുകൾ മനോഹരമാക്കി.

അടുക്കളയിൽ കബോർഡുകൾ പരമാവധി സ്റ്റോറേജ് ഉറപ്പാക്കുന്നു. ഇവയ്ക്കും ഇളംനിറമാണ്​ ഉപയോഗിച്ചത്​. അകത്തളത്തിൽ നിലത്ത്​ ​വിട്രിഫൈഡ് ​ടൈലുകളാണ് ഉപയോഗിച്ചിരിക്കുന്നത്.

എക്സീറ്റിയറിന്റെ ഭംഗിക്കായി സിറ്റൗട്ടിൽ തേക്കുമരം കൊണ്ട് പാനലിങ് പതിച്ച ഭിത്തിയും, ക്ലാഡിങ്​ പതിച്ച ഷോ വാളും, പർഗോളയും നൽകിയിട്ടുണ്ട്​. സിറ്റൗട്ടിൽ ഗ്രാനൈറ്റാണ് ഉപയോഗിച്ചിരിക്കുന്നത്. ഈ വീടിന് വേണ്ട എല്ലാ വാതിലുകളും, ജനാലകളും തേക്ക് ഉപയോഗിച്ചാണ് നിർമിച്ചത്. ഇത്തരത്തിൽ ഗുണമേന്മ വിട്ടുവീഴ്ച ചെയ്യാതെ വീടൊരുക്കിയിട്ടും,സ്ട്രക്ചറും ഫർണിഷിങ്ങും സഹിതം 30 ലക്ഷത്തിന് വീട് പൂർത്തിയാക്കാൻ സാധിച്ചു എന്നതാണ് ഹൈലൈറ്റ്..

Project facts

Location- Puthenchira, Thrissur

Plot- 11.5 cent

Area- 1510 Sqft

Owner- Joby Jose

Architect & Construction- NR Associates

Phone : 9961990023, 9961990003

English Summary- Budget House Plan Kerala; Veedu Magazine Malayalam