'മാഷേ, അതിമനോഹരം; കോവിഡ് ഒന്ന് മാറിയിട്ടുവേണം വീട്ടിലേക്ക് വരാൻ'! ആളുകൾ പറയുന്നു

HIGHLIGHTS
  • 28 ലക്ഷം രൂപയ്ക്ക് മനോഹരമായ ഇരുനിലവീട് പൂർത്തിയായി എന്നതാണ് ഹൈലൈറ്റ്.
28-lakh-home-kerala-view
SHARE

കൊടുങ്ങല്ലൂരിനടുത്ത് അഴീക്കോടാണ് സുനിൽ മാഷിന്റെയും ബീന ടീച്ചറിന്റെയും പുതിയ വീട്. പരിസ്ഥിതിസൗഹൃദ കാഴ്ചപ്പാടുകളുള്ള ഇരുവർക്കും തങ്ങൾ പണിയുന്ന വീടും അത്തരത്തിൽ ഉള്ളതാകണം എന്നുണ്ടായിരുന്നു. നിരവധി പ്രകൃതിസൗഹൃദ വീടുകൾ നിർമിച്ച കോസ്റ്റ് ഫോർഡിലെ ഡിസൈനർ ശാന്തിലാലിനെയാണ് പണി ഏൽപിച്ചത്.

ചെലവ് കുറഞ്ഞ നിരവധി ബദൽ നിർമാണരീതികൾ പരിചയപ്പെടുത്തിയ കോസ്റ്റ്‌ഫോർഡ്, ഇവിടെ വീട്ടുകാരുടെ ആവശ്യപ്രകാരം ഹുരുഡീസ് കട്ടകളാണ് വീട് പണിയാൻ ഉപയോഗിച്ചത്. മികച്ച ഫിനിഷിങ്, പ്രകൃതിസൗഹൃദം തുടങ്ങിയ ഗുണങ്ങളുണ്ട് ഇവയ്ക്ക്.

താഴത്തെ നില ഓട് വച്ചു ഫില്ലർ സ്ലാബ് ശൈലിയിലാണ് വാർത്തത്. മുകൾനില ജിഐ ട്രസ് വർക്ക് ചെയ്ത് അതിനുമുകളിൽ ബാംബൂ ഷീറ്റ് വിരിച്ചശേഷമാണ് മേച്ചിൽ ഓടുകൾ വിരിച്ചത്. അതിനാൽ ഉള്ളിൽ നല്ല തണുപ്പ് അനുഭവപ്പെടുന്നു.

28-lakh-home-kerala-exterior

സിറ്റൗട്ട്, ലിവിങ്, ഡൈനിങ്, കിച്ചൻ, വർക്കേരിയ, രണ്ടു കിടപ്പുമുറികൾ, അറ്റാച്ഡ് ബാത്റൂം എന്നിവയാണ് താഴത്തെ നിലയിലുള്ളത്. മുകളിൽ നിലയിൽ ഒരു കിടപ്പുമുറി, അറ്റാച്ഡ് ബാത്റൂം, സ്റ്റഡി സ്‌പേസ്, അപ്പർ ലിവിങ്, ഓപ്പൺ ടെറസ് എന്നിവയും ചിട്ടപ്പെടുത്തി. മൊത്തം 1750 ചതുരശ്രയടിയാണ് വിസ്തീർണം. 

28-lakh-home-hall

വളരെ ലളിതമായാണ് അകത്തളങ്ങൾ ചിട്ടപ്പെടുത്തിയത്.  സെമി ഓപ്പൺ നയത്തിലാണ് അകത്തളങ്ങൾ. അതിനാൽ നല്ല വിശാലതയും ഉള്ളിൽ അനുഭവപ്പെടും. വിട്രിഫൈഡ് ടൈലാണ് നിലത്തുവിരിച്ചത്.

28-lakh-home-dine

മുളയുടെ ഉപയോഗമാണ് മറ്റൊരു ഹൈലൈറ്റ്. മുകൾനിലയിൽ വില്ലഴി മാതൃകയിലുള്ള ജനാല നിർമിച്ചത് മുള കൊണ്ടാണ്. അതുപോലെ കൈവരികളിലും മുള ഹാജർ വയ്ക്കുന്നുണ്ട്.

28-lakh-home-library

സ്റ്റീൽ ഫ്രയിമിൽ തടി വിരിച്ചാണ് സ്‌റ്റെയർകേസ് നിർമിച്ചത്. പടികൾ പോളിഷ് ചെയ്തു ഭംഗിയാക്കി. സ്‌റ്റെയറിന്റെ താഴെ സ്‌റ്റോറേജ് സ്‌പേസ് വേർതിരിച്ചു സ്ഥലം ഉപയുക്തമാക്കി. സ്‌റ്റെയറിന്റെ ഒരു ലാൻഡിങ്ങിൽ ഇടത്തട്ട് നിർമിച്ച് സ്റ്റഡി സ്‌പേസ് വേർതിരിച്ചു. ഇവിടെനിന്നും അപ്പർ ഹാളിലേക്ക് പ്രവേശിക്കാം.

28-lakh-home-upper

മൂന്നു കിടപ്പുമുറികളും ലളിതമായി ചിട്ടപ്പെടുത്തി. സ്റ്റോറേജിനായി വാഡ്രോബ് സൗകര്യം വേർതിരിച്ചു. 

28-lakh-home-bed

അടുക്കളയുടെ കബോർഡുകൾ പണിയാൻ ബാംബൂ ഷീറ്റ് ഉപയോഗിച്ചു. കൗണ്ടറിൽ ഗ്രാനൈറ്റ് വിരിച്ചു.

28-lakh-home-kitchen

കൊറോണക്കാലത്താണ് വീടുപണി പുരോഗമിച്ചത്. ഇടയ്ക്ക് ലോക്ഡൗൺ മാനദണ്ഡങ്ങൾ പാലിച്ച് വളരെ കുറച്ച് പണിക്കാരെ വച്ചാണ് പണി മുന്നോട്ടുകൊണ്ടുപോയത്. എന്നിട്ടും 6 മാസം കൊണ്ട് പണി പൂർത്തിയാക്കി. സ്ട്രക്ചറും ഫർണിഷിങ്ങും കൂടാതെ 28 ലക്ഷം രൂപയ്ക്ക് മനോഹരമായ ഈ വീട് പൂർത്തിയായി എന്നതാണ് ഏറ്റവും വലിയ ഹൈലൈറ്റ്.

ground-floor

Project facts

first-floor

Location- Azhikode, Kodungallur

Plot-7 cent

Area- 1750 SFT

Owner- Sunil, Beena

Designer- Santilal

Costford, Thrissur

Mob- 9747538500

Y.C- 2021

English Summary- Traditional Ecofriendly Home; Veedu Malayalam

നിങ്ങളുടെ വീട് മനോരമ ഓൺലൈനിൽ പ്രസിദ്ധീകരിച്ചു കാണാൻ ആഗ്രഹമുണ്ടോ? നല്ല ചിത്രങ്ങളും ചിത്രങ്ങളും ചെറുവിവരണവും മൊബൈൽ നമ്പറും സഹിതം customersupport@mm.co.in എന്ന ഇമെയിൽ വിലാസത്തിലേക്ക് അയച്ചു തരൂ.  

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN DREAM HOME
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
Video

ഒടുവിൽ കാട്ടുപന്നി തോറ്റു, തോമസ് ജയിച്ചു

MORE VIDEOS
FROM ONMANORAMA