ഇരട്ടി ഭംഗി തോന്നിപ്പിക്കുന്ന മാജിക്! ഇത് ഹൃദയം കീഴടക്കുന്ന വീട്
![pattikad-house-exterior pattikad-house-exterior](https://img-mm.manoramaonline.com/content/dam/mm/mo/homestyle/dream-home/images/2022/11/21/pattikad-house-exterior.jpg?w=1120&h=583)
Mail This Article
മലപ്പുറം ജില്ലയിലെ പട്ടിക്കാടാണ് നാട്ടിൽ ട്രാവൽ ബിസിനസ് ചെയ്യുന്ന റിയാസിന്റെയും കുടുംബത്തിന്റെയും പുതിയവീട്. പലതട്ടുകളായി കിടന്ന 60 സെന്റ് കുടുംബവസ്തുവിലാണ് വീട് പണിതത്.
![pattikad-house-side pattikad-house-side](https://img-mm.manoramaonline.com/content/dam/mm/mo/config-assets/mo-default.jpg)
കൊളോണിയൽ+ ട്രോപ്പിക്കൽ ശൈലിയുടെ അഴകും ഗുണങ്ങളും എലിവേഷനിൽ സമ്മേളിക്കുന്നു. ആദ്യകാഴ്ചയിൽ തന്നെ ഉള്ളതിലും വലുപ്പവും പ്രൗഢിയും തോന്നിപ്പിക്കാൻ ഇത് ഉപകരിക്കുന്നു. പ്ലോട്ടിന്റെ രണ്ടുവശത്തുകൂടെയും റോഡുണ്ട്. അതിനാൽ മുന്നിൽനിന്നും വശത്തുനിന്നും വ്യത്യസ്ത രൂപഭംഗി വീടിനുലഭിക്കുന്നുണ്ട്.
![pattikad-house pattikad-house](https://img-mm.manoramaonline.com/content/dam/mm/mo/config-assets/mo-default.jpg)
പോർച്ച്, സിറ്റൗട്ട്, ഫോർമൽ ലിവിങ്, ഫാമിലി ലിവിങ്, ഡൈനിങ്, രണ്ടു കോർട്യാർഡ്, കിച്ചൻ, വർക്കേരിയ, മൂന്നു കിടപ്പുമുറികൾ എന്നിവയാണ് താഴത്തെ നിലയിലുള്ളത്. മുകൾനിലയിൽ രണ്ടു കിടപ്പുമുറികൾ, അപ്പർ ലിവിങ്, ബാൽക്കണി, ഓപ്പൺ ടെറസ് എന്നിവയുമുണ്ട്. മൊത്തം 4840 ചതുരശ്രയടിയാണ് വിസ്തീർണം.
![pattikad-house-gate pattikad-house-gate](https://img-mm.manoramaonline.com/content/dam/mm/mo/config-assets/mo-default.jpg)
മേൽക്കൂര ചരിച്ചുവാർത്ത് ഷിംഗിൾസ് വിരിച്ചു. കൊളോണിയൽ ശൈലിയുടെ സിഗ്നേച്ചറായ ഡോർമർ വിൻഡോസും മേൽക്കൂരയിൽ ഹാജരുണ്ട്. ഡിറ്റാച്ഡ് ആയി ഒരുക്കിയ പോർച്ചും വീടിന്റെ മിനിയേച്ചർ പതിപ്പാണ്.
![pattikad-house-sideview pattikad-house-sideview](https://img-mm.manoramaonline.com/content/dam/mm/mo/config-assets/mo-default.jpg)
ഡ്രൈവ് വേ താന്തൂർ സ്റ്റോണും ഗ്രാസും ഇടകലർത്തി ഒരുക്കി. പലതട്ടുകളായി നിലനിർത്തിയ ലാൻഡ്സ്കേപ്പിൽ ചെടികളും മരങ്ങളും ഭംഗിനിറയ്ക്കുന്നു. സിറ്റൗട്ടിന്റെ പിന്നിലും ഒരു ഓപ്പൺ കോർട്യാർഡുണ്ട്. ഇവിടെ പെബിൾസ് വിരിച്ചു ഭംഗിയാക്കി. ഇവിടെ മഴ പെയ്യുന്നത് കണ്ടിരിക്കാൻ പ്രത്യേക രസമാണെന്ന് വീട്ടുകാർ പറയുന്നു.
![pattikad-house-courtyard pattikad-house-courtyard](https://img-mm.manoramaonline.com/content/dam/mm/mo/config-assets/mo-default.jpg)
ഡബിൾ ഹൈറ്റ് സ്പേസുകളുടെ സാന്നിധ്യമാണ് അകത്തളങ്ങൾ വിശാലമാക്കുന്നത്. ഫോർമൽ ലിവിങ്, ഡൈനിങ്, കോർട്യാർഡ് എന്നിവ ഡബിൾഹൈറ്റിലാണ്. വിട്രിഫൈഡ് ടൈലാണ് കോമൺ ഏരിയകളിൽ കൂടുതൽ. ഫോർമൽ ലിവിങ്, കിടപ്പുമുറികൾ എന്നിവിടങ്ങളിൽ വുഡൻ ഫ്ളോറിങ്ങും ഹൈലൈറ്റാണ്. ഫർണിച്ചറുകൾ കൂടുതലും ഇന്റീരിയർ തീമനുസരിച്ച് കസ്റ്റമൈസ് ചെയ്തു.
![pattikad-house-living pattikad-house-living](https://img-mm.manoramaonline.com/content/dam/mm/mo/config-assets/mo-default.jpg)
ഫാമിലി ലിവിങ്- ഡൈനിങ്- കോർട്യാർഡ് ഓപ്പൺ ഹാളിന്റെ ഭാഗമാണ്. ഡൈനിങ്ങിൽനിന്ന് കോർട്യാർഡിന്റെ ഭംഗി ആസ്വദിക്കാം. ഡബിൾഹൈറ്റ് കോർട്യാർഡിന്റെ സീലിങ്ങിലും ചുവരുകളിലും മെറ്റൽ സിഎൻസി ജാളികളുണ്ട്. സീലിങ്ങിൽ ഗ്ലാസ് വിരിച്ചു. ഇതുവഴി വെളിച്ചം സമൃദ്ധമായി ഉള്ളിലെത്തുന്നു. ഇൻഡോർ ചെടികളും ഇവിടം ഹരിതാഭമാക്കുന്നു.
![pattikad-house-court pattikad-house-court](https://img-mm.manoramaonline.com/content/dam/mm/mo/config-assets/mo-default.jpg)
മെറ്റൽ സ്ട്രക്ചറിൽ തടി പൊതിഞ്ഞാണ് സ്റ്റെയർ. സ്ക്വയർ ട്യൂബിലാണ് കൈവരികൾ.
![pattikad-house-ceiling pattikad-house-ceiling](https://img-mm.manoramaonline.com/content/dam/mm/mo/config-assets/mo-default.jpg)
സ്റ്റെയറിന്റെ താഴെയായി ഫാമിലി ലിവിങ് വേർതിരിച്ചു.
![pattikad-house-family pattikad-house-family](https://img-mm.manoramaonline.com/content/dam/mm/mo/config-assets/mo-default.jpg)
സ്റ്റെയർ കയറിയെത്തുമ്പോൾ മനോഹരമായി അപ്പർ ലിവിങ് സ്പേസും വേർതിരിച്ചു.
![pattikad-house-upper pattikad-house-upper](https://img-mm.manoramaonline.com/content/dam/mm/mo/config-assets/mo-default.jpg)
ഒരു റിസോർട് ഫീൽ ലഭിക്കുംവിധം വിശാലമാണ് കിടപ്പുമുറികൾ. അറ്റാച്ഡ് ബാത്റൂം, വോക്-ഇൻ വാഡ്രോബ്, ഡ്രസിങ് സ്പേസ്, വർക്കിങ് സ്പേസ് എന്നിവയെല്ലാം ഇവിടെയുണ്ട്.
![pattikad-house-bed pattikad-house-bed](https://img-mm.manoramaonline.com/content/dam/mm/mo/config-assets/mo-default.jpg)
വിശാലമാണ് കിച്ചൻ. മൾട്ടിവുഡ്+ ലാമിനേറ്റ് ഫിനിഷിലാണ് കബോർഡുകൾ. കൗണ്ടറിൽ ടൈൽ വിരിച്ചു. ഇവിടെ അത്യാവശ്യം വലുപ്പമുള്ള ഒരു ബ്രേക്ക്ഫാസ്റ്റ് കൗണ്ടറുണ്ട്. അനുബന്ധമായി ഒരുക്കിയ വർക്കേരിയയിലും മിനി ബ്രേക്ക്ഫാസ്റ്റ് കൗണ്ടറുണ്ട്.
![pattikad-house-kitchen pattikad-house-kitchen](https://img-mm.manoramaonline.com/content/dam/mm/mo/config-assets/mo-default.jpg)
ചുരുക്കത്തിൽ പുറമെനിന്നുനോക്കിയാൽ 4840 ചതുരശ്രയടിയുടെ ഇരട്ടി തോന്നിക്കും എന്നതാണ് ഈ വീടിന്റെ പ്രധാനഹൈലൈറ്റ്.
![pattikad-house-gf pattikad-house-gf](https://img-mm.manoramaonline.com/content/dam/mm/mo/config-assets/mo-default.jpg)
Project facts
![pattikad-house-gf pattikad-house-gf](https://img-mm.manoramaonline.com/content/dam/mm/mo/config-assets/mo-default.jpg)
Location- Pattikad, Nilambur
Plot- 66 cent
Area- 4840 Sq.ft
Owner- Riyas
Design- Shameer Babu
Shameer Associates
Mob- 75106 00504
Y.C- Sep 2022
ചിത്രങ്ങൾ- അഖിൽ കൊമാച്ചി
English Summary- Colonial Fusion House with Elegant Interiors- Veedu Magazine Malayalam