ആരും കൊതിക്കും! പച്ചപ്പിനുനടുവിൽ ഒരു ഹാപ്പി'ഹോം'
Mail This Article
ഇടുക്കി ജില്ലയിലെ കുട്ടിക്കാനത്ത് തേയിലത്തോട്ടങ്ങൾക്ക് നടുവിലാണ് ഇബ്രാഹിമിന്റെ തോട്ടം ഫാം സ്റ്റേ സ്ഥിതി ചെയുന്നത്. സ്വച്ഛസുന്ദരമായ പ്രകൃതിയോട് ഇഴുകിച്ചേരുന്ന ഒരു നിർമിതി വേണം എന്ന ആഗ്രഹത്തോട് നീതിപുലർത്തിയാണ് ഈ ഫാം സ്റ്റേയുടെ നിർമാണം. പ്രകൃതിസൗഹൃദ നിർമാണ രീതിയുടെ പ്രചാരകരായ ആർക്കിടെക്ട് ദമ്പതികൾ അജയ്യും താരയുമാണ് ഈ വീടിന്റെ ശിൽപികൾ. പലതട്ടുകളായി കിടന്ന പ്ലോട്ടിന്റെ സ്വാഭാവികത നിലനിർത്തിയാണ് കെട്ടിടം നിർമിച്ചത്. ഇടിച്ചുപൊളിക്കുകയോ മണ്ണിട്ട് നിരത്തുകയോ ഒന്നും ചെയ്തിട്ടില്ല.
![thottam-farmstay-view-JPG thottam-farmstay-view-JPG](https://img-mm.manoramaonline.com/content/dam/mm/mo/config-assets/mo-default.jpg)
വീട്ടുകാർക്ക് ഒരു ഹോളിഡേ ഹോം അല്ലെങ്കിൽ സന്ദർശകർക്കായി തുറന്നിടുന്ന ഫാം സ്റ്റേ കൺസെപ്റ്റിലാണ് നിർമാണം. 'വരുമാനം നൽകുന്ന വീട്' എന്ന ആശയമാണ് ഇവിടെ പ്രവർത്തികമാക്കിയത്. സ്ഥിരതാമസം ഇല്ലാത്തതിനാൽ പരിപാലനം കൂടി കണക്കിലെടുത്തു.
![thottam-stay-view thottam-stay-view](https://img-mm.manoramaonline.com/content/dam/mm/mo/config-assets/mo-default.jpg)
പരമ്പരാഗത കേരളീയ വീടുകളുടെ തീമിലാണ് അകവും പുറവും ഒരുക്കിയത്. ജിഐ ഫ്രയിമിൽ ജിഐ ഷീറ്റ് വിരിച്ചശേഷം അതിനുമുകളിലാണ് ഓടുവിരിച്ചത്. പ്രാദേശികമായി ലഭ്യമായ നിർമാണസാമഗ്രികളാണ് ഇവിടെ ഉപയോഗിച്ചത്.
![thottam-farmstay-window thottam-farmstay-window](https://img-mm.manoramaonline.com/content/dam/mm/mo/config-assets/mo-default.jpg)
ലിവിങ്, ഡൈനിങ്, കിച്ചൻ, അഞ്ചു കിടപ്പുമുറികൾ, ബാൽക്കണി എന്നിവയാണ് ഇവിടെയുള്ളത്. വീട്ടിലെ മിക്ക ഇടങ്ങളും തോട്ടത്തിന്റെ ഹരിതാഭയിലേക്ക് തുറക്കുംവിധമാണ്. ഉള്ളിൽ ഇരുന്നുതന്നെ പുറത്തെഭംഗി ആസ്വദിക്കാം.
![thottam-farmstay-interior-JPG thottam-farmstay-interior-JPG](https://img-mm.manoramaonline.com/content/dam/mm/mo/config-assets/mo-default.jpg)
ഫാം സ്റ്റേ ആയി പ്രവർത്തിക്കുന്നതിനാൽ സിറ്റൗട്ടിന് പകരം ലോഞ്ച് സ്പേസാണ് ഇവിടെയുള്ളത്. ഇവിടെനിന്ന് താഴേക്കാണ് മുറികൾ വരുന്നത്. മുകൾനിലയിൽ മൂന്നു കിടപ്പുമുറികളും താഴത്തെ നിലയിൽ രണ്ടുകിടപ്പുമുറികളുമുണ്ട്.
![thottam-farmstay-bed-JPG thottam-farmstay-bed-JPG](https://img-mm.manoramaonline.com/content/dam/mm/mo/config-assets/mo-default.jpg)
അഴികൾ ഇല്ലാത്ത ഗ്ലാസ് ജാലകങ്ങളാണ് മുറികളിലെ ഹൈലൈറ്റ്. സ്ലൈഡിങ് ഗ്ലാസ് വാതിൽ തുറന്ന് ബാൽക്കണിയിലേക്കും കടക്കാം.
ഭൂമിയുടെ നിരപ്പുവ്യത്യാസം മൂലം ഇവിടെ സ്വകാര്യതയുടെ പ്രശ്നം വരുന്നില്ല. അതിനാൽ ബാത്റൂമിൽ വരെ പ്രകൃതിയുടെ പച്ചപ്പിലേക്ക് തുറക്കുന്ന ഗ്ലാസ് ജാലകങ്ങളുണ്ട്.
![thottam-elevation thottam-elevation](https://img-mm.manoramaonline.com/content/dam/mm/mo/config-assets/mo-default.jpg)
ആഗ്രഹിച്ചതുപോലെ ഒരു ഹോളിഡേ ഹോം ലഭിച്ചതിന്റെ സന്തോഷത്തിലാണ് വീട്ടുകാർ.
Project facts
Location- Kuttikanam
Area- 5500 Sq.ft
Owner- Ibrahim Jalal
Architects- Ajay Abey, Tara Pandala
CSBNE, Kochi
Mob- 8593061706
English Summary- Eco friendly Farm Stay Kuttikanam