'ഞങ്ങൾക്കും വേണം ഇതുപോലെ ഒരു വീട്!': ഈ വീട് കണ്ടവർ പറയുന്നു
![green-house-tvm green-house-tvm](https://img-mm.manoramaonline.com/content/dam/mm/mo/config-assets/mo-default.jpg?w=1120&h=583)
Mail This Article
തിരുവനന്തപുരം നെട്ടയത്താണ് അഖിലിന്റെയും കുടുംബത്തിന്റെയും പുതിയവീട്. നഗരത്തിരക്കുകളിൽ നിന്നുമാറി 6.5 സെന്റിലാണ് വീടിരിക്കുന്നത്.
![green-house-tvm-yard green-house-tvm-yard](https://img-mm.manoramaonline.com/content/dam/mm/mo/config-assets/mo-default.jpg)
ചെറിയ പ്ലോട്ടിൽ പരമാവധി സ്ഥലഉപയുക്തതയ്ക്കായി ഫ്ലാറ്റ്+ കന്റെംപ്രറി ശൈലിയിലാണ് വീട്. ടെറാക്കോട്ട ജാളികളുടെ സാന്നിധ്യമാണ് വീടിന്റെ പുറംകാഴ്ച മനോഹരമാക്കുന്നത്.
![green-house-tvm-court green-house-tvm-court](https://img-mm.manoramaonline.com/content/dam/mm/mo/config-assets/mo-default.jpg)
നിരുപമം എന്നാണ് വീടിന്റെ പേര്. അതിനെ അന്വർഥമാക്കുംവിധം ലളിതസുന്ദരമായ അകത്തളങ്ങളാണ് ഇവിടെ ഒരുക്കിയത്.
സെലിബ്രിറ്റി വീടുകൾ കാണാം! Subscribe Now
പോർച്ച്, സിറ്റൗട്ട്, ലിവിങ്, ഡൈനിങ്, കോർട്യാർഡ്, അപ്പർ ലിവിങ്, നാലു കിടപ്പുമുറികൾ എന്നിവയാണ് 3100 ചതുരശ്രയടിയിൽ ഉൾക്കൊള്ളിച്ചത്.
![green-house-tvm-sitout green-house-tvm-sitout](https://img-mm.manoramaonline.com/content/dam/mm/mo/config-assets/mo-default.jpg)
സിറ്റൗട്ടിൽ വശത്തായി ചെറിയൊരു പെബിൾ കോർട്യാർഡുണ്ട്. ഇവിടെ ഇൻഡോർ പ്ലാന്റുകൾ ഹരിതാഭ നിറയ്ക്കുന്നു.
![green-house-tvm-living green-house-tvm-living](https://img-mm.manoramaonline.com/content/dam/mm/mo/config-assets/mo-default.jpg)
പ്ലോട്ടിന്റെ പ്രത്യേകതയ്ക്കനുസരിച്ച് വീട് രൂപകൽപന ചെയ്തു. കിഴക്ക് ദർശനമായാണ് വീട്. കാറ്റും വെളിച്ചവും ഉള്ളിലേക്ക് എത്തുംവിധം ജാലകങ്ങൾ വിന്യസിച്ചു. അതിനാൽ പകൽ വീടിനുള്ളിൽ ലൈറ്റ് ഇടേണ്ട കാര്യമില്ല. ചൂടും താരതമ്യേന കുറവാണ്.
![green-house-tvm-u-living green-house-tvm-u-living](https://img-mm.manoramaonline.com/content/dam/mm/mo/config-assets/mo-default.jpg)
വീട്ടിലെ ഹൈലൈറ്റ് ഡബിൾഹൈറ്റ് കോർട്യാർഡാണ്. ടെറാക്കോട്ട ടൈൽ പതിപ്പിച്ച് ഭിത്തിവേർതിരിച്ചു. ഇൻഡോർ ചെടികളും ആട്ടുകട്ടിലും ഇവിടെ ഹാജരുണ്ട്. ഗ്ലാസ് സീലിങ്ങിലൂടെ സമൃദ്ധമായി പ്രകാശം ഉള്ളിലെത്തുന്നു. വീട്ടുകാരുടെ പ്രിയയിടവും ഇതുതന്നെ.
![green-house-tvm-courtyard green-house-tvm-courtyard](https://img-mm.manoramaonline.com/content/dam/mm/mo/config-assets/mo-default.jpg)
കോർട്യാർഡിനോട് ചേർന്ന് ലളിതമായി ലിവിങ് വേർതിരിച്ചു.
ഒരുവശം ബെഞ്ച് കൺസെപ്റ്റിലുള്ള ലളിതമായ ഡൈനിങ് സെറ്റാണ് കസ്റ്റമൈസ് ചെയ്തത്.
![green-house-tvm-dine green-house-tvm-dine](https://img-mm.manoramaonline.com/content/dam/mm/mo/config-assets/mo-default.jpg)
അപ്പർ ലിവിങ്ങിലെ ഒരുഭിത്തി ഫോട്ടോ വോൾ ആക്കിയത് വേറിട്ടുനിൽക്കുന്നുണ്ട്. സ്കൈലൈറ്റ് സീലിങിലൂടെ പ്രകാശം സമൃദ്ധമായി ഇവിടേക്കെത്തുന്നു.
![green-house-tvm-upper green-house-tvm-upper](https://img-mm.manoramaonline.com/content/dam/mm/mo/config-assets/mo-default.jpg)
മറ്റിടങ്ങളിൽനിന്ന് വ്യത്യസ്തമായി കിച്ചൻ വർണാഭമായാണ് ഒരുക്കിയത്. മഞ്ഞ നിറത്തിലാണ് കിച്ചൻ തീം. പ്ലൈവുഡ്+ ലാമിനേറ്റ് ഫിനിഷിലാണ് കിച്ചൻ ക്യാബിനറ്റ്. ബാക്സ്പ്ലാഷിലും ഡിസൈനർ ടൈലുകൾ വിരിച്ച് മനോഹരമാക്കി. കൗണ്ടറിൽ നാനോവൈറ്റിന്റെ തെളിമയുമുണ്ട്.
![green-house-tvm-kitchen green-house-tvm-kitchen](https://img-mm.manoramaonline.com/content/dam/mm/mo/config-assets/mo-default.jpg)
അമിത ആഡംബരമില്ലാതെ കിടപ്പുമുറികൾ ഒരുക്കി. അറ്റാച്ഡ് ബാത്റൂം, വാഡ്രോബ് സൗകര്യങ്ങൾ എല്ലാമുറികളിലുമുണ്ട്.
![green-house-tvm-interiors green-house-tvm-interiors](https://img-mm.manoramaonline.com/content/dam/mm/mo/config-assets/mo-default.jpg)
വീടിന്റെ എലിവേഷനിലെ മറ്റൊരു ഹൈലൈറ്റാണ് ബാൽക്കണി. സിംപിൾ എലഗന്റ് തീമിലാണ് ഇതൊരുക്കിയത്. സിമന്റ് ഫിനിഷ് ടൈലും ജിഐ കൈവരികളുമാണ് ഇവിടെ. ചെടികളും ഊഞ്ഞാലും ഇവിടം അലങ്കരിക്കുന്നു.
![green-house-tvm-gf green-house-tvm-gf](https://img-mm.manoramaonline.com/content/dam/mm/mo/config-assets/mo-default.jpg)
Project facts
![green-house-tvm-ff green-house-tvm-ff](https://img-mm.manoramaonline.com/content/dam/mm/mo/config-assets/mo-default.jpg)
Location- Nettayam, Trivandrum
Plot- 6.5 cent
Area- 3100 Sq.ft
Owner- Akhil & Manjusha
Architect- Rahul Kumar, Malavika Mahesh
ARK Architecture Studio, Trivandrum
Y.C- 2022
English Summary- Simple Elegant Green House Trivandrum- Veedu Magazine Malayalam