വ്യത്യസ്ത രൂപഭംഗി, ഉള്ളിൽ സുഖജീവിതം; ഹിറ്റായി വീട്
![chowka-house-view chowka-house-view](https://img-mm.manoramaonline.com/content/dam/mm/mo/homestyle/dream-home/images/2023/5/19/chowka-house-view.jpg?w=1120&h=583)
Mail This Article
തൃശൂർ ജില്ലയിലെ ചൗക്കയിലാണ് ജോഷ്വ ജോസഫിന്റെയും കുടുംബത്തിന്റെയും പുതിയവീട്. വ്യത്യസ്തമായ രൂപഭംഗി കൊണ്ട് ശ്രദ്ധയാകർഷിക്കുന്നുണ്ട് ഈ വീട്.
റോഡ് ലെവലിൽനിന്ന് മൂന്നുമീറ്റർ താഴെയാണ് പ്ലോട്ട്. ഇത് മണ്ണിട്ടുയർത്താതെ സ്വാഭാവിക പ്രകൃതി നിലനിർത്തിയാണ് വീടുപണിതത്.
![chowka-house-view chowka-house-view](https://img-mm.manoramaonline.com/content/dam/mm/mo/config-assets/mo-default.jpg)
ഫ്ലാറ്റ്- സ്ലോപ്- കർവ് അടക്കമുള്ള ജ്യാമിതീയ രൂപങ്ങളുടെ സങ്കലനമാണ് വീടിന്റെ എലിവേഷൻ. ഗ്രേ- വൈറ്റ് കളർതീമിലാണ് പുറംകാഴ്ച. സിമന്റ് ഫിനിഷിലുള്ള ക്ലാഡിങ് ടൈൽ, റൂഫിൽ ഷിംഗിൾസ് എന്നിവ എലിവേഷൻ അലങ്കരിക്കുന്നു.
![chowka-house-side-view chowka-house-side-view](https://img-mm.manoramaonline.com/content/dam/mm/mo/config-assets/mo-default.jpg)
വീടിനൊപ്പം നിൽക്കുന്ന മനോഹരമായ ലാൻഡ്സ്കേപ്പാണ് മറ്റൊരാകർഷണം. ബാംഗ്ലൂർ സ്റ്റോൺ വിരിച്ച ഡ്രൈവ് വേയും മെക്സിക്കൻ ഗ്രാസ് വിരിച്ച പുൽത്തകിടിയും ചെടികളുമെല്ലാം മുറ്റം ഹരിതാഭമാക്കുന്നു.
വീടിനെ സ്നേഹിക്കുന്ന മലയാളികൾക്കായി!...Subscribe Now
![chowka-house-living chowka-house-living](https://img-mm.manoramaonline.com/content/dam/mm/mo/config-assets/mo-default.jpg)
സിറ്റൗട്ട്, ലിവിങ്, ഡൈനിങ്, കിച്ചൻ, വർക്കേരിയ, രണ്ടു കിടപ്പുമുറികൾ, ബാത്റൂമുകൾ എന്നിവയാണ് താഴത്തെ നിലയിൽ. അപ്പർ ലിവിങ്, രണ്ടു കിടപ്പുമുറികൾ, ബാൽക്കണി, ഓപ്പൺ ടെറസ് എന്നിവയാണ് മുകൾനിലയിൽ. മൊത്തം 2334 ചതുരശ്രയടിയാണ് വിസ്തീർണം.
സെമി-ഓപ്പൺ നയത്തിലാണ് അകത്തളങ്ങൾ. വാതിൽ തുറന്ന് പ്രവേശിക്കുന്നത് ലിവിങ് ഹാളിലേക്കാണ്. ലിവിങ്, സ്റ്റെയർ, പ്രെയർ സ്പേസ് എന്നിവ ഇവിടെവരുന്നു. സ്റ്റെയറിനോട് അനുബന്ധമായാണ് പ്രെയർ സ്പേസ്. തടിയുടെ പ്രൗഡിയിലാണ് ഇവിടെ നിലവും ചുവരുകളുടെ പാനലിങ്ങും.
![chowka-house-stair chowka-house-stair](https://img-mm.manoramaonline.com/content/dam/mm/mo/config-assets/mo-default.jpg)
അടുത്ത സോണിൽ ഡൈനിങ്- കിച്ചൻ ഓപ്പൺ ഹാളിൽ ക്രമീകരിച്ചു.
![chowka-house-dine chowka-house-dine](https://img-mm.manoramaonline.com/content/dam/mm/mo/config-assets/mo-default.jpg)
ഫ്ലോറിങ്ങിനിൽ വൈവിധ്യം പരീക്ഷിച്ചിട്ടുണ്ട്. വിട്രിഫൈഡ് ടൈൽ, വുഡൻ ടൈൽ, ലപ്പോത്ര ഗ്രാനൈറ്റ് എന്നിവ ഉപയോഗിച്ചു.
ഡൈനിങ്ങിൽനിന്ന് സ്ലൈഡിങ് ഗ്ലാസ് ഡോർ വഴി ലാൻഡ്സ്കേപ്പിനെ കണക്ട് ചെയ്യുന്ന ചെറിയ പുൽത്തകിടിയിലേക്കിറങ്ങാം. ഇതുവഴി കാറ്റും ഉള്ളിലേക്കെത്തും.
![chowka-house-window chowka-house-window](https://img-mm.manoramaonline.com/content/dam/mm/mo/config-assets/mo-default.jpg)
കിച്ചനും ഡൈനിങ്ങിനുമിടയിൽ ഒരു ഡിസ്പ്ലേ ഷെൽഫുണ്ട്. ഇത് മിനി പാൻട്രി കൗണ്ടറായും വർത്തിക്കുന്നു.
L ആകൃതിയിലാണ് മെയിൻ കിച്ചൻ. പ്ലൈവുഡ്+ ലാമിനേറ്റ് ഫിനിഷിലാണ് ക്യാബിനറ്റ്. കൗണ്ടറിൽ ബ്ലാക്ക് ഗ്രാനൈറ്റ് വിരിച്ചു.
![chowka-house-kitchen chowka-house-kitchen](https://img-mm.manoramaonline.com/content/dam/mm/mo/config-assets/mo-default.jpg)
ലളിതമായാണ് നാലു കിടപ്പുമുറികളും ചിട്ടപ്പെടുത്തിയത്. ഹെഡ്സൈഡ് ഭിത്തിയിൽ വോൾപേപ്പറും ഇൻഡോർ പ്ലാന്റും മാത്രമാണ് അലങ്കാരം. അറ്റാച്ഡ് ബാത്റൂം, വാഡ്രോബ് എന്നിവയുമുണ്ട്.
![chowka-house-bed chowka-house-bed](https://img-mm.manoramaonline.com/content/dam/mm/mo/config-assets/mo-default.jpg)
ലളിതമായ ചൂരൽ ഫർണിച്ചറാണ് അപ്പർ ലിവിങ്ങിൽ. ഇവിടെനിന്ന് സ്ലൈഡിങ് ഗ്ലാസ് ഡോർ വഴി ബാൽക്കണിയിലേക്കിറങ്ങാം.
![chowka-house-upper chowka-house-upper](https://img-mm.manoramaonline.com/content/dam/mm/mo/config-assets/mo-default.jpg)
താഴത്തെ നിലയുടെ കോപ്പി തന്നെ മുകളിലും ഒരുക്കി എന്നതാണ് പ്ലാനിലെ ഹൈലൈറ്റ്. കാറ്റും വെളിച്ചവും നന്നായി ലഭിക്കുംവിധം അകത്തളം ചിട്ടപ്പെടുത്തി.
ചുരുക്കത്തിൽ ആഗ്രഹിച്ച പോലെയൊരു വീട് ലഭിച്ച സന്തോഷത്തിലാണ് വീട്ടുകാർ.
Project facts
Location- Chowka, Thrissur
Plot- 12 cent
Area- 2334 Sq.ft
Owner- Joshua Joseph
Architect- Sonu Varghese
Mirror Window Architects, Thrissur
English Summary- Unique Fusion House- Veedu Magazine Malayalam