മനോഹരം! ഇത് കാഴ്ചകളുടെ വിരുന്നൊരുക്കുന്ന വീട്
![tropical-contemporary-house tropical-contemporary-house](https://img-mm.manoramaonline.com/content/dam/mm/mo/homestyle/dream-home/images/2023/8/8/tropical-contemporary-house.jpg?w=1120&h=583)
Mail This Article
പാലക്കാട് ജില്ലയിലെ മണ്ണാർക്കാടാണ് ഷ്റോഫ് ഗഫൂറിന്റെയും കുടുംബത്തിന്റെയും പുതിയ വീട്. കന്റെംപ്രറി ശൈലിയുടെ സൗകര്യങ്ങളും കാലാവസ്ഥയ്ക്കനുയോജ്യമായി ട്രോപ്പിക്കൽ എലിവേഷനും സമന്വയിപ്പിച്ചാണ് വീടൊരുക്കിയത്. ലാൻഡ്സ്കേപ്പിന്റെ പലഭാഗത്തുനിന്നും വീടിന്റെ വ്യത്യസ്തമായ എലിവേഷനാണ് കാണാൻസാധിക്കുന്നത്.
![mannarkad-home-elevation mannarkad-home-elevation](https://img-mm.manoramaonline.com/content/dam/mm/mo/config-assets/mo-default.jpg)
ഫ്ലാറ്റ് കോൺക്രീറ്റ് മേൽക്കൂരയ്ക്കൊപ്പം പലതട്ടുകളായി ജിഐ ട്രസ് ചെയ്ത് ഓടുവിരിച്ച മേൽക്കൂരയുമുണ്ട്. വീടിനൊപ്പം ലാൻഡ്സ്കേപ്പിനും മനോഹരമായി ചിട്ടപ്പെടുത്തി. താന്തൂർ സ്റ്റോൺ, കോട്ട സ്റ്റോൺ എന്നിവയാണ് മുറ്റത്ത് വിരിച്ചത്. പുൽത്തകിടിയും ചെടികളും മരങ്ങളും ലാൻഡ്സ്കേപ് അലങ്കരിക്കുന്നു.
![mannarkad-home-exterior mannarkad-home-exterior](https://img-mm.manoramaonline.com/content/dam/mm/mo/config-assets/mo-default.jpg)
സിറ്റൗട്ട്, ഫോർമൽ ലിവിങ്, ഫാമിലി ലിവിങ്, ഡൈനിങ്, കോർട്യാർഡ്, കിച്ചൻ, വർക്കേരിയ, രണ്ടു കിടപ്പുമുറികൾ, ബാത്റൂം എന്നിവയാണ് താഴത്തെ നിലയിൽ. മുകൾനിലയിൽ രണ്ടു കിടപ്പുമുറികൾ, മെസനൈൻ ഫ്ലോർ, യൂട്ടിലിറ്റി സ്പേസ്, ബാൽക്കണി എന്നിവയുണ്ട്. മൊത്തം 4306 ചതുരശ്രയടിയാണ് വിസ്തീർണം.
![mannarkad-home-fliving mannarkad-home-fliving](https://img-mm.manoramaonline.com/content/dam/mm/mo/config-assets/mo-default.jpg)
ഓപ്പൺ നയത്തിലാണ് അകത്തളങ്ങൾ. ലിവിങ്- ഡൈനിങ്- കോർട്യാർഡ് സ്പേസുകളെല്ലാം പരസ്പരം കണക്ട് ചെയ്ത് വിന്യസിച്ചു. ഇതിനൊപ്പം ഡബിൾ ഹൈറ്റ് സീലിങ് കൂടിയാകുമ്പോൾ ഉള്ളിൽ നല്ല വിശാലത അനുഭവപ്പെടുന്നു.
![mannarkad-home-court mannarkad-home-court](https://img-mm.manoramaonline.com/content/dam/mm/mo/config-assets/mo-default.jpg)
തടിയുടെ പ്രൗഢിയിലാണ് ഫോർമൽ ലിവിങ് ഒരുക്കിയത്. രണ്ടുസൈഡിലും ഗ്ലാസ് വോളുകളാണ്. ഇതുവഴി നാച്ചുറൽ ലൈറ്റ് ഉള്ളിലെത്തുന്നു. ഇതുവഴി പുറത്തെ പാറ്റിയോ സ്പേസിലേക്കും കടക്കാം.
![mannarkad-home-upper mannarkad-home-upper](https://img-mm.manoramaonline.com/content/dam/mm/mo/config-assets/mo-default.jpg)
ഹാളിന്റെ ഒരറ്റത്തായി ലിവിങ് ക്രമീകരിച്ചു. യെലോ കുഷ്യൻ സോഫ, സിമന്റ് ഫിനിഷ് ടിവി വോൾ എന്നിവയാണ് ഇവിടെ ഹൈലൈറ്റുകൾ.
ഓപ്പൺ ഹാളിൽ മധ്യത്തിലുള്ള ഡബിൾ ഹൈറ്റ് സ്പേസിലാണ് ഡൈനിങ്ങിന്റെ സ്ഥാനം. തേക്ക് ഫിനിഷിലാണ് ഡൈനിങ് സെറ്റ്.
![mannarkad-home-dine mannarkad-home-dine](https://img-mm.manoramaonline.com/content/dam/mm/mo/config-assets/mo-default.jpg)
സിംപിൾ തീമിലാണ് സ്റ്റെയർ. പടവിൽ ടീക് പാനലിങ് ചെയ്തു. ജിഐ കൈവരികളും നൽകി. സ്റ്റെയറിന്റെ ആദ്യ ലാൻഡിങ്ങിൽ മെസനൈൻ ഫ്ലോർ പോലെ അപ്പർ ലിവിങ് ക്രമീകരിച്ചു. ഇവിടെ ബുക് ഷെൽഫും മനോഹരമായി സീറ്റിങ്ങും ചിട്ടപ്പെടുത്തി.
![mannarkad-home-living mannarkad-home-living](https://img-mm.manoramaonline.com/content/dam/mm/mo/config-assets/mo-default.jpg)
റസ്റ്റിക് സിമന്റ് ഫിനിഷിലാണ് ഇവിടെ സീലിങ് എന്നതും ശ്രദ്ധേയമാണ്.
![tropical-contemporary-house-bed tropical-contemporary-house-bed](https://img-mm.manoramaonline.com/content/dam/mm/mo/config-assets/mo-default.jpg)
ആകാശനീലിമയിലാണ് കിച്ചൻ. മറൈൻ പ്ലൈ+ ലാമിനേറ്റ് ഫിനിഷിലാണ് ക്യാബിനറ്റ്. കൗണ്ടറിൽ ഗ്രാനൈറ്റ് വിരിച്ചു. സ്പ്ലാഷ്ബാക്കിൽ ആർട്ട് ടൈലുകളുമുണ്ട്.
![tropical-contemporary-house-court tropical-contemporary-house-court](https://img-mm.manoramaonline.com/content/dam/mm/mo/config-assets/mo-default.jpg)
താഴത്തെ രണ്ടുകിടപ്പുമുറികൾക്ക് നടുവിലാണ് സ്കൈലൈറ്റ് റൂഫുള്ള കോർട്യാർഡ്. ഇതുവഴി നാച്ചുറൽ ലൈറ്റ് സമൃദ്ധമായി ഉള്ളിലെത്തുന്നു. ഇൻഡോർ പ്ലാന്റുകൾ ഇവിടെ ഹരിതാഭ നിറയ്ക്കുന്നു.
Project facts
Location- Mannarkad, Palakkad
Plot- 31 cent
Area- 4306 Sq.ft
Owner- Shroff Gaffoor
Architects- Nithin Raj, Basil Kalladi
Barefoot Architects, Perinthalmanna
Y.C- 2022
English Summary- Tropical Contemporary House- Veedu Magazine Malayalam