വീതി കുറഞ്ഞ പ്ലോട്ടിൽ പണിത വിശാലമായ വീട്
![moscow-house-exterior moscow-house-exterior](https://img-mm.manoramaonline.com/content/dam/mm/mo/homestyle/dream-home/images/2023/9/21/moscow-house-exterior.jpg?w=1120&h=583)
Mail This Article
കോട്ടയം ജില്ലയിലെ മോസ്കൊയിലാണ് മനുവിന്റെയും ശ്രീജയുടെയും പുതിയ വീട്. വീതി കുറഞ്ഞു നീളത്തിലുള്ള 8 സെന്റ് പ്ലോട്ടിലാണ് വീട് നിർമിച്ചത്. വെള്ളം കയറുന്നതു തടയാൻ റോഡ് ലെവലിൽനിന്ന് 2 അടി ഉയർത്തി പ്ലോട്ട് ഒരുക്കിയശേഷമാണ് വീടുപണി തുടങ്ങിയത്. മുറ്റം ബാംഗ്ലൂർ സ്റ്റോൺ വിരിച്ചു മനോഹരമാക്കി.
![moscow-house moscow-house](https://img-mm.manoramaonline.com/content/dam/mm/mo/config-assets/mo-default.jpg)
സിറ്റൗട്ട്, ലിവിങ്, ഡൈനിങ്, കിച്ചൻ, വർക്കേരിയ, ഒരു കിടപ്പുമുറി, ബാത്റൂം എന്നിവയാണ് താഴത്തെ നിലയിൽ. മുകളിൽ മൂന്നു കിടപ്പുമുറികൾ, ബാത്റൂം, ബാൽക്കണി എന്നിവയുമുണ്ട്. മൊത്തം 2040 ചതുരശ്രയടിയാണ് വിസ്തീർണം.
![moscow-house-dine moscow-house-dine](https://img-mm.manoramaonline.com/content/dam/mm/mo/config-assets/mo-default.jpg)
അകത്തളങ്ങളിൽ ഇടുക്കം അനുഭവപ്പെടാതിരിക്കാൻ ഓപ്പൺ നയത്തിൽ ചിട്ടപ്പെടുത്തി. ഹാളിന്റെ മുന്നിലും പിന്നിലും വലിയ ജാലകങ്ങൾ നൽകി. ഇതുവഴി കാറ്റും വെളിച്ചവും സമൃദ്ധമായി ഉള്ളിലെത്തുന്നു.
![moscow-house-hall moscow-house-hall](https://img-mm.manoramaonline.com/content/dam/mm/mo/config-assets/mo-default.jpg)
ലിവിങ് റൂം പാർടീഷൻ ചെയ്തിരിക്കുന്നത് കൗതുകകരമാണ്. ജിഐ പൈപ്പിൽ പഴയ സൈക്കിൾ റിം ഘടിപ്പിച്ച ശേഷം അതിൽ കയർ ചുറ്റി മനോഹരമാക്കിയാണ് ഇത് നിർമിച്ചത്. ചെലവും കുറവാണ്.
![moscow-house-formal moscow-house-formal](https://img-mm.manoramaonline.com/content/dam/mm/mo/config-assets/mo-default.jpg)
ഡൈനിങ് റൂമിൽനിന്ന് പുറത്തേക്ക് യുപിവിസി സ്ലൈഡിങ് ഡോർ നൽകി സിറ്റൗട്ട് ക്രമീകരിച്ചു. വാഷ് ഏരിയ ഇവിടെ ക്രമീകരിച്ചു എന്നതും വ്യത്യസ്തതയാണ്. ഇവിടെയും ചെടികൾ നൽകി മനോഹരമാക്കിയിരിക്കുന്നു. ജിഐ ഫ്രയിമിൽ പൈൻവുഡ് വിരിച്ചാണ് സ്റ്റെയർ നിർമിച്ചത്.
![moscow-house-tv moscow-house-tv](https://img-mm.manoramaonline.com/content/dam/mm/mo/config-assets/mo-default.jpg)
എല്ലാം കയ്യകലത്തിലുള്ള ഓപ്പൺ കിച്ചൻ ഒരുക്കി. സമീപം ബ്രേക്ക്ഫാസ്റ്റ് കൗണ്ടറുമുണ്ട്. അനുബന്ധമായി വർക്കേരിയയും ക്രമീകരിച്ചു.
![moscow-house-kitchen moscow-house-kitchen](https://img-mm.manoramaonline.com/content/dam/mm/mo/config-assets/mo-default.jpg)
താഴെ ഒരു കിടപ്പുമുറി മാത്രമേയുള്ളൂ എന്നതിനാൽ കോമൺ സ്പേസുകൾക്ക് കൂടുതൽ സ്ഥലം വിനിയോഗിക്കാനായി. ലളിതമായി കിടപ്പുമുറികൾ ചിട്ടപ്പെടുത്തി. അറ്റാച്ഡ് ബാത്റൂമുകളുമുണ്ട്.
![moscow-house-bed moscow-house-bed](https://img-mm.manoramaonline.com/content/dam/mm/mo/config-assets/mo-default.jpg)
മുകളിലെ ബാൽക്കണി ജിഐ ട്രസ് ചെയ്ത് ഷീറ്റ് ഇട്ടു. ഇവിടെ തുണി ഉണക്കാനും മറ്റുമുള്ള യൂട്ടിലിറ്റി ഏരിയയാക്കി മാറ്റി.
Project facts
Location- Kottayam
Area- 2040 Sq.ft
Owner- Sreeja, Manu
Design- ASN Builders, Kottayam
English Summary- Modern House- Veedu Magazine Malayalam