കണ്ടാൽപ്പറയുമോ ഇത് പുതുക്കിപ്പണിത വീടാണെന്ന്!
![peruva-home peruva-home](https://img-mm.manoramaonline.com/content/dam/mm/mo/config-assets/mo-default.jpg?w=1120&h=583)
Mail This Article
80 വർഷം പഴക്കമുണ്ടായിരുന്ന വീടിനെ കാലോചിതമായി മാറ്റിയെടുത്ത കഥയാണിത്. കോട്ടയം ജില്ലയിലെ ഇലഞ്ഞിയിലാണ് ഈ വീടുള്ളത്. മുൻവശത്ത് വാർത്ത് പിന്നിൽ ഓടിട്ട വീടിന് കാലപ്പഴക്കത്തിന്റെ ജീർണതകളും അസൗകര്യങ്ങളുമുണ്ടായിരുന്നു. കാറ്റും വെളിച്ചവും കയറുന്നതും പരിമിതം. ഓടിട്ട ഭാഗം പൊളിച്ചുനീക്കിയതിനുശേഷമാണ് ഉടമ ആർക്കിടെക്ടിനെ സമീപിച്ചത്. വീട്ടുകാരുടെ ആവശ്യപ്രകാരം വീടിന്റെ കെട്ടുംമട്ടും മാറ്റിയെടുത്തു ആർക്കിടെക്ട്.
![peruva-home-night peruva-home-night](https://img-mm.manoramaonline.com/content/dam/mm/mo/config-assets/mo-default.jpg)
നീളൻ പ്ലോട്ടിനൊത്തവണ്ണം ലീനിയർ ഡിസൈനിലാണ് വീട്. കന്റെംപ്രറി ബോക്സ് എലിവേഷനും വൈറ്റ്+ ഗ്രേ കളർതീമും വീടിന് കാലോചിതമായ നവഭാവമേകുന്നു.
![peruva-home-side peruva-home-side](https://img-mm.manoramaonline.com/content/dam/mm/mo/config-assets/mo-default.jpg)
രണ്ടു കിടപ്പുമുറികൾ, കിച്ചൻ, ലിവിങ് എന്നിവ മാത്രമായിരുന്നു പഴയ വീട്ടിലുണ്ടായിരുന്നത്. പുതിയ വീട്ടിൽ പോർച്ച്, സിറ്റൗട്ട്, ലിവിങ്, ഡൈനിങ്, കോർട്യാർഡ്, ലൈബ്രറി, കിച്ചൻ, വർക്കേരിയ, നാലു കിടപ്പുമുറികൾ, ബാൽക്കണി എന്നിവയുണ്ട്. 2200 ചതുരശ്രയടിയാണ് പുതിയ വിസ്തീർണം.
![peruva-home-stair peruva-home-stair](https://img-mm.manoramaonline.com/content/dam/mm/mo/config-assets/mo-default.jpg)
പഴയ വീട്ടിലെ അകത്തളങ്ങളുടെ പുനഃക്രമീകരണത്തിലൂടെയാണ് സ്ഥലപരിമിതി മറികടന്നത്. ആവശ്യമില്ലാത്ത ഇടഭിത്തികൾ തട്ടിക്കളഞ്ഞു അകത്തളം സെമി-ഓപ്പൺ നയത്തിലേക്ക് മാറ്റിയെടുത്തു. പഴയ ഡൈനിങ് കൂട്ടിച്ചേർത്ത് ലിവിങ് വിശാലമാക്കി. പഴയ വാഷ് ഏരിയ പ്രെയർ സ്പേസാക്കി.
വാതിൽ തുറന്ന് പ്രവേശിക്കുന്നത് ലളിതസുന്ദമായി ചിട്ടപ്പെടുത്തിയ ഫോർമൽ ലിവിങ്ങിലേക്കാണ്. ലിവിങ്- ഡൈനിങ് പാർടീഷൻ ഭിത്തി, ബേവിൻഡോ സീറ്റിങ്ങാക്കി മാറ്റി.
![peruva-home-living peruva-home-living](https://img-mm.manoramaonline.com/content/dam/mm/mo/config-assets/mo-default.jpg)
സ്റ്റെയർ ഏരിയയിലെ ഡബിൾഹൈറ്റ് സീലിങ്ങുള്ള പർഗോള വീടിനുള്ളിൽ നാച്ചുറൽ ലൈറ്റ് സമൃദ്ധമായി എത്തിക്കുന്നു. ഇതിന്റെ താഴെ പെബിൾസ് വിരിച്ച ഡ്രൈ കോർട്യാർഡുമുണ്ട്.
![peruva-home-dine peruva-home-dine](https://img-mm.manoramaonline.com/content/dam/mm/mo/config-assets/mo-default.jpg)
താഴെയും മുകളിലും രണ്ടുവീതം കിടപ്പുമുറികളൊരുക്കി. കൂടെ അറ്റാച്ഡ് ബാത്റൂം, വാഡ്രോബ് എന്നിവയൊരുക്കി.
![peruva-home-bed peruva-home-bed](https://img-mm.manoramaonline.com/content/dam/mm/mo/config-assets/mo-default.jpg)
എല്ലാം കയ്യൊതുക്കത്തിലുള്ള കിച്ചൻ ഒരുക്കി. സ്റ്റോറേജ് യൂണിറ്റുകൾ ധാരാളമുണ്ട്. കൗണ്ടറിൽ ഗ്രാനൈറ്റ് വിരിച്ചു. നാനോവൈറ്റ് വിരിച്ച ബ്രേക്ക്ഫാസ്റ്റ് കൗണ്ടറുമുണ്ട്.
![peruva-home-kitchen peruva-home-kitchen](https://img-mm.manoramaonline.com/content/dam/mm/mo/config-assets/mo-default.jpg)
അലങ്കാരങ്ങളുടെ അതിപ്രസരമില്ലാതെ ലളിതസുന്ദരമായ നവീകരണം സാധ്യമാക്കി എന്നതാണ് ഈ വീടിന്റെ ഹൈലൈറ്റ്. അതേസമയം കണ്ടാൽ പുതുക്കിപ്പണിത വീടാണെന്ന് തോന്നുകയില്ല എന്നതും രൂപകല്പനയിലെ മികവാണ്.
Project facts
Location- Peruva, Kottayam
Plot- 10 cents
Area- 2250 Sq.ft
Owner- KV Joseph
Architect- Rajwin Chandy
Rajwin Chandy Architektura, Pala