എന്താ ഭംഗി! ലാളിത്യവും പ്രൗഢിയുംകൊണ്ട് മനംമയക്കുന്ന വീട്
![shyam-thrissur-home shyam-thrissur-home](https://img-mm.manoramaonline.com/content/dam/mm/mo/config-assets/mo-default.jpg?w=1120&h=583)
Mail This Article
തൃശൂർ ജില്ലയിലെ ചേലക്കോട്ടുകരയിലാണ് ബിസിനസുകാരനായ ലാലിന്റെയും കുടുംബത്തിന്റെയും 'ലക്ഷ്മിപ്രഭ' എന്ന ഈ സ്വപ്നഭവനം. കേരളത്തിന്റെ ട്രോപ്പിക്കൽ കാലാവസ്ഥയ്ക്ക് അനുയോജ്യമായി, എന്നാൽ ഉള്ളിൽ മോഡേൺ സൗകര്യങ്ങൾ ഉൾപ്പെടുത്തി ചിട്ടപ്പെടുത്തിയ വീടാണിത്.
![shyam-thrissur-home-evening shyam-thrissur-home-evening](https://img-mm.manoramaonline.com/content/dam/mm/mo/config-assets/mo-default.jpg)
ട്രസ് ചെയ്ത് ഓടുവിരിച്ച മേൽക്കൂരയുടെ തീം തന്നെ കാർപോർച്ചും പിന്തുടരുന്നു. പ്രധാന ഗെയ്റ്റ് കൂടാതെ നടപ്പാതയുള്ള വിക്കറ്റ് ഗെയ്റ്റുമുണ്ട്.
![shyam-thrissur-home-sitout shyam-thrissur-home-sitout](https://img-mm.manoramaonline.com/content/dam/mm/mo/config-assets/mo-default.jpg)
വീടിന്റെ പുറമെ നിന്നുള്ള ഭംഗി മറയ്ക്കാതെ, ടെറാക്കോട്ട ജാളി കൊണ്ടുള്ള മതിലിലെ ഡിസൈൻ ആകർഷകമാണ്. അതേസമയം മുൻവശത്തെ റോഡിൽനിന്ന് സ്വകാര്യയേകാൻ പച്ചപ്പുകൊണ്ട് നാച്ചുറലായി വീടിനെ മറച്ചിരിക്കുന്നു. മുറ്റം നാച്ചുറൽ സ്റ്റോണും ഗ്രാസും വിരിച്ചലങ്കരിച്ചു. മറ്റിടങ്ങളിൽ പേൾ ഗ്രാസും ചെടികളും ഹരിതാഭ നിറയ്ക്കുന്നു.
![shyam-thrissur-home-inside shyam-thrissur-home-inside](https://img-mm.manoramaonline.com/content/dam/mm/mo/config-assets/mo-default.jpg)
ഗൃഹനാഥനും ഭാര്യയും 2 മക്കളുമാണ് സ്ഥിരതാമസക്കാര്. സിറ്റൗട്ട്, ലിവിങ്, ഡൈനിങ്, കോർട്യാർഡ്, കിച്ചൻ, വർക്കേരിയ, രണ്ടു കിടപ്പുമുറികൾ, ബാത്റൂം, സ്റ്റഡി റൂം എന്നിവയാണ് താഴത്തെ നിലയിൽ. മുകളിൽ രണ്ടു കിടപ്പുമുറികൾ, ബാൽക്കണി എന്നിവയുണ്ട്. മൊത്തം 3816 ചതുരശ്രയടിയാണ് വിസ്തീർണം.
![shyam-thrissur-home-interior shyam-thrissur-home-interior](https://img-mm.manoramaonline.com/content/dam/mm/mo/config-assets/mo-default.jpg)
നീളൻ സിറ്റൗട്ടും പ്രധാനവാതിലിനരികെ ഔട്ടർ ഗ്രീൻ കോർട്യാർഡും ചിട്ടപ്പെടുത്തി. സിറ്റൗട്ടിന്റെ മുകളിലെ ഭിത്തിയിൽ വലിയ ഗ്ലാസ് ജാലകങ്ങളുണ്ട്. ഇതുവഴി വെളിച്ചം സമൃദ്ധമായി ഉള്ളിലെത്തുന്നു.
![shyam-thrissur-home-bed shyam-thrissur-home-bed](https://img-mm.manoramaonline.com/content/dam/mm/mo/config-assets/mo-default.jpg)
ടെറാക്കോട്ട ജാളി, സിമന്റ് ഫിനിഷ്, ബ്രിക്ക് ക്ലാഡിങ് തുടങ്ങിയ നാച്ചുറൽ എലമെന്റുകൾ വീടിന്റെ അകത്തളത്തിൽ സ്വാഭാവിക ഭംഗി നിറയ്ക്കുന്നു. സെമി- ഓപ്പൺ നയത്തിൽ ഇടങ്ങൾ ഒരുക്കിയതിനാൽ വിശാലതയും ജാലകങ്ങളുടെ സാന്നിധ്യം ക്രോസ് വെന്റിലേഷനും ഉറപ്പാക്കുന്നു.
![shyam-thrissur-home-interiors shyam-thrissur-home-interiors](https://img-mm.manoramaonline.com/content/dam/mm/mo/config-assets/mo-default.jpg)
റസ്റ്റിക് ഫിനിഷിലാണ് കിടപ്പുമുറികൾ. സിമന്റ് ടെക്സ്ചർ ഫിനിഷിലാണ് ഹെഡ്സൈഡ് ഭിത്തിയും ചുവരുകളും.
![shyam-thrissur-home-night shyam-thrissur-home-night](https://img-mm.manoramaonline.com/content/dam/mm/mo/config-assets/mo-default.jpg)
രാത്രിയിൽ വാം ടോൺ ലൈറ്റുകൾ കൂടി കൺതുറക്കുമ്പോൾ ഒരു റിസോർട്ട് ആംബിയൻസ് ഇവിടെ നിറയുന്നു.
Project facts
Location- Chelakottukara, Thrissur
Plot- 18 cent
Area- 3800 Sq.ft
Owner- Lal Chelakottukara
Design- Viewpoint dezigns, Thrissur