ഒരുനിലയാണ് സന്തോഷം: വേറിട്ട രൂപഭംഗിയിൽ താരമായി പ്രവാസിവീട്
![majlis-house-thrissur majlis-house-thrissur](https://img-mm.manoramaonline.com/content/dam/mm/mo/config-assets/mo-default.jpg?w=1120&h=583)
Mail This Article
ഇരിങ്ങാലക്കുടയ്ക്കടുത്ത് ഇടതിരിഞ്ഞിയിലാണ് പ്രവാസിയായ ഷാജിയുടെയും കുടുംബത്തിന്റെയും പുതിയവീട്. സമകാലിക ശൈലിയിൽ, അതേസമയം കേരളത്തിന്റെ കാലാവസ്ഥയുമായി യോജിക്കുംവിധമാണ് ഈ വീട് രൂപകൽപന ചെയ്തത്. പരിപാലനസൗകര്യം, കുടുംബാംഗങ്ങൾ തമ്മിലുള്ള നല്ല ആശയവിനിമയം തുടങ്ങിയ കാര്യങ്ങൾ പരിഗണിച്ചാണ് 'ഒരുനില വീട്' മതിയെന്ന് തീരുമാനിച്ചത്.
![majlis-house-thrissur-view majlis-house-thrissur-view](https://img-mm.manoramaonline.com/content/dam/mm/mo/config-assets/mo-default.jpg)
കടുംനിറങ്ങളുടെയും ആർഭാടങ്ങളുടെയും അതിപ്രസരമില്ലാതെയാണ് വീടൊരുക്കിയത്. ഗ്രേ+ വൈറ്റ് നിറങ്ങളാണ് വീടിന്റെ പുറംകാഴ്ച അടയാളപ്പെടുത്തുന്നത്. ക്യാന്റിലിവർ ശൈലിയിലൊരുക്കിയ സിറ്റിങ് സ്പേസാണ് സിറ്റൗട്ടിലെ കൗതുകം. ഇവിടെ റൂഫ് റെഡ് പെയിന്റടിച്ച് ഹൈലൈറ്റ് ചെയ്തു. നീളൻ സിറ്റൗട്ടിന്റെ ഇരുവശവും യുപിവിസി ജാലകങ്ങളുണ്ട്. ഇതുവഴി കാറ്റും വെളിച്ചവും വീടിനുള്ളിലെത്തുന്നു.
![majlis-house-thrissur-night majlis-house-thrissur-night](https://img-mm.manoramaonline.com/content/dam/mm/mo/config-assets/mo-default.jpg)
കടപ്പ സ്റ്റോണും ഗ്രാസും ഇടകലർത്തിയാണ് മുറ്റമൊരുക്കിയത്. പരിപാലനം കണക്കിലെടുത്തുള്ള സിംപിൾ ലാൻഡ്സ്കേപ് ഒരുക്കി.
സിറ്റൗട്ട്, ഫോർമൽ ലിവിങ്, ഫാമിലി ലിവിങ്, ഡൈനിങ്, കോർട്യാർഡ്, കിച്ചൻ, വർക്കേരിയ, നാലു കിടപ്പുമുറികൾ, ബാത്റൂം എന്നിവയാണ് 2900 ചതുരശ്രയടിയിൽ ഉൾക്കൊള്ളിച്ചത്. പബ്ലിക്- സെമി പബ്ലിക്- പ്രൈവറ്റ് എന്നിങ്ങനെ സോണുകളായിട്ടാണ് ഇടങ്ങൾ വിന്യസിച്ചത്. സെമി-ഓപൺ നയത്തിലാണ് കോമൺ സ്പേസുകൾ ഒരുക്കിയത്. അതിനാൽ അകത്തേക്ക് കയറുമ്പോൾ വിശാലത അനുഭവപ്പെടുന്നു.
![majlis-house-thrissur-inside majlis-house-thrissur-inside](https://img-mm.manoramaonline.com/content/dam/mm/mo/config-assets/mo-default.jpg)
കസ്റ്റമൈസ്ഡ് ഫർണിച്ചറുകളാണ് ലിവിങ് സ്പേസ് അലങ്കരിക്കുന്നത്. വുഡൻ ഫിനിഷിൽ പാനലിങ് ചെയ്ത ടിവി യൂണിറ്റാണ് ഫാമിലി ലിവിങ്ങിലെ ആകർഷണം.
![majlis-house-thrissur- majlis-house-thrissur-](https://img-mm.manoramaonline.com/content/dam/mm/mo/config-assets/mo-default.jpg)
വീടുകളിലെ പതിവിടങ്ങളിൽനിന്ന് വ്യത്യസ്തമായി ഒരിടമുണ്ട് ഇവിടെ. സ്വകാര്യമായി സമയം ചെലവിടാനുള്ള ഒരുസ്പേസ്. ഫ്ലോർ ലെവലിൽനിന്ന് താഴ്ത്തിയാണ് ഇവിടമൊരുക്കിയത്. ചാരുകസേരയും ഇൻബിൽറ്റ് സീറ്റിങ് സ്പേസും ഇവിടെയുണ്ട്.
![majlis-house-thrissur-deck majlis-house-thrissur-deck](https://img-mm.manoramaonline.com/content/dam/mm/mo/config-assets/mo-default.jpg)
വുഡൻ ഫ്രയിമിൽ നാനോവൈറ്റ് ടോപ് വിരിച്ചാണ് ഡൈനിങ് ടേബിൾ നിർമിച്ചത്. കസേരകൾ വുഡൻ ഫിനിഷിൽ അപ്ഹോൾസ്റ്ററി ചെയ്തു. ഡൈനിങ്ങിലെ ഭിത്തിയിൽ മുകളിലും താഴെയുമായി ജാലകങ്ങളുണ്ട്. ഡൈനിങ്ങിൽനിന്ന് വശത്തെ മുറ്റത്തേക്കിറങ്ങാൻ വാതിലുണ്ട്. ഇത് തുറന്നിട്ടാൽ കാറ്റും സമൃദ്ധമായി ഉള്ളിലെത്തും.
![majlis-house-night majlis-house-night](https://img-mm.manoramaonline.com/content/dam/mm/mo/config-assets/mo-default.jpg)
നാച്ചുറൽ ലൈറ്റിനും വെന്റിലേഷനും പ്രാധാന്യമേകിയാണ് നാലുകിടപ്പുമുറികളും ചിട്ടപ്പെടുത്തിയത്. വാഡ്രോബ്, ഡ്രസിങ് സ്പേസ്, അറ്റാച്ഡ് ബാത്റൂം എന്നിവയുമുണ്ട്.
![majlis-house-thrissur-bed majlis-house-thrissur-bed](https://img-mm.manoramaonline.com/content/dam/mm/mo/config-assets/mo-default.jpg)
മറൈൻ പ്ലൈ+ പിയു പെയിന്റ് ഫിനിഷിലാണ് കിച്ചൻ ക്യാബിനറ്റ്. കൗണ്ടറിൽ വൈറ്റ് ഗ്രാനൈറ്റ് വിരിച്ചു. അനുബന്ധമായി വർക്കേരിയ, സ്റ്റോർ എന്നിവയുമുണ്ട്.
![majlis-house-thrissur-kitchen majlis-house-thrissur-kitchen](https://img-mm.manoramaonline.com/content/dam/mm/mo/config-assets/mo-default.jpg)
സ്ഥിരതാമസം ഇല്ലെങ്കിലും പരിപാലനം എളുപ്പമാണ്. എല്ലാവരും ഒറ്റപ്പെട്ട തുരുത്തുകൾ പോലെ കഴിയുന്ന ഈ കാലത്ത്, കഴിവതും കുടുംബാംഗങ്ങൾ തമ്മിൽ ഹൃദ്യത നിലനിർത്താൻ സാധിക്കുന്നു. ഇടത്തരം ബജറ്റിൽ പണിയുമ്പോൾ 'ഇരുനില വീട് പണിതുകൂടെ' എന്ന് പലരും ചോദിച്ചെങ്കിലും, ഒരുനില മതിയെന്ന തീരുമാനം ശരിയായിരുന്നു എന്ന് ഇപ്പോൾ ബോധ്യമായി. വീട്ടുകാർ പറയുന്നു.
കൂടുതൽ വീട് വിശേഷങ്ങൾ കാണാൻ ഫോളോ ചെയ്യൂ-
www.youtube.com/@manoramaveedu
www.facebook.com/ManoramaVeedu
www.instagram.com/manoramaveedu
Project facts
Location- Iringalakuda, Thrissur
Plot- 40 cent
Area- 2900 Sq.ft
Owner- Shaji KM
Architect- Joseph Chalissery
Dream Infinite Studio, Thrissur