ഇത് ഒരു കൂട്ടുകുടുംബത്തിന്റെ സ്വപ്നസാക്ഷാത്കാരം
![vennur-home-view vennur-home-view](https://img-mm.manoramaonline.com/content/dam/mm/mo/config-assets/mo-default.jpg?w=1120&h=583)
Mail This Article
തൃശൂർ ജില്ലയിലെ വെണ്ണൂർ എന്ന ഗ്രാമത്തിലാണ് പ്രതീഷ് - പ്രദീപ് സഹോദരന്മാരുടെ ' ശാശ്വത' എന്ന പുതിയ വീട് സ്ഥിതിചെയ്യുന്നത്. അച്ഛനമ്മമാരും രണ്ടുസഹോദരന്മാരും അവരുടെ കുടുംബങ്ങളും അടങ്ങുന്ന കൂട്ടുകുടുംബത്തിന്റെ സ്വപ്ന സാക്ഷാത്കാരമാണ് ഈ വീട്.
![vennur-home vennur-home](https://img-mm.manoramaonline.com/content/dam/mm/mo/config-assets/mo-default.jpg)
15 സെന്റിൽ 2700 ചതുരശ്രയടിയിൽ നിർമിച്ചിരിക്കുന്ന ഈ വീടിന്റെ ഓരോ ഭാഗവും പത്തു പേരടങ്ങുന്ന വലിയ കുടുംബത്തിന്റെ ആവശ്യങ്ങളും ആഗ്രഹങ്ങളും നിറവേറ്റും വിധമാണ് രൂപകൽപന ചെയ്തിരിക്കുന്നത്.
![vennur-home-front vennur-home-front](https://img-mm.manoramaonline.com/content/dam/mm/mo/config-assets/mo-default.jpg)
പഴമയുടെ പ്രൗഢിയും പുതുമയുടെ മനോഹാരിതയും കൂട്ടിയിണക്കി നിർമിച്ചിട്ടുള്ള ഭവനത്തിലേക്ക് പ്രവേശിക്കുന്നത് മനോഹരമായ ജാളികളാൽ തീർത്ത മതിലുകൾക്ക് നടുവിലുള്ള പടിപ്പുരയിലൂടെയാണ്.
![vennur-home-balcony vennur-home-balcony](https://img-mm.manoramaonline.com/content/dam/mm/mo/config-assets/mo-default.jpg)
കലാത്തിയ അടക്കമുള്ള മനോഹരമായ ചെടികൾ നിറഞ്ഞ മുറ്റത്തിലൂടെ പ്രവേശിക്കുന്നത് ചുറ്റും പച്ചപ്പ് നിറഞ്ഞ വലിയ സിറ്റൗട്ടിലേക്കാണ്. സൂക്ഷ്മമായ ഡീറ്റൈലിങ്ങുകളോട് കൂടിയ പ്രവേശന വാതിൽ തുറന്നാൽ ലിവിങ് റൂമും അതിനോടുചേർന്ന് ഡബിൾ ഹൈറ്റിൽ നിർമിച്ചിട്ടുള്ള ഡൈനിങ് ഏരിയയും കാണാം.
![vennur-home-living vennur-home-living](https://img-mm.manoramaonline.com/content/dam/mm/mo/config-assets/mo-default.jpg)
ലിവിങ് റൂമിൽ നിന്നും ഡൈനിങ്ങ് ഏരിയയിൽ നിന്നും ഒരുപോലെ കാണുംവിധം ഒരുക്കിയിട്ടുള്ള ഫിഷ് പോണ്ടും ബുദ്ധ പ്രതിമയുമെല്ലാം ഏറെ ആകർഷീയണമാണ്.
![vennur-home-dine vennur-home-dine](https://img-mm.manoramaonline.com/content/dam/mm/mo/config-assets/mo-default.jpg)
രണ്ട് മാസ്റ്റർ ബെഡ്റൂമുകളടക്കം മൂന്നുകിടപ്പുമുറികളും കിച്ചനും മാസ്റ്റർ ബെഡ്റൂമുകളെ ബന്ധിപ്പിക്കുന്ന കോർട്യാർഡുമാണ് താഴെ ഒരുക്കിയിട്ടുള്ളത്. താഴെ നിന്നും മുകൾനിലയിലേക്കു പ്രവേശിക്കുന്നത് കുട്ടികൾക്കായുള്ള സ്റ്റഡി ഏരിയയിലൂടെയാണ്.
![vennur-home-bed vennur-home-bed](https://img-mm.manoramaonline.com/content/dam/mm/mo/config-assets/mo-default.jpg)
മുകൾനിലയിൽ ഒരുകിടപ്പുമുറിയാണുള്ളത്. ടെറസ് ഏരിയയിലും വലിയൊരു സിറ്റിങ് സ്പേസും കൂടാതെ ഡൈനിങ്ങ് ടേബിളിൽ പ്രതിഫലിക്കും വിധം സൺഡയലും ഒരുക്കിയിട്ടുണ്ട്.
Project facts
Location- Vennur, Thrissur
Plot- 15 cent
Area- 2700 Sq.ft
Owner- Pratheesh, Pradeep
Design- GVQ design studio