നാരങ്ങ കൊണ്ട് വീട്ടിൽ ഇങ്ങനെ ചില ഗുണങ്ങളുമുണ്ട്; അറിയാമോ?
Mail This Article
ഒരു പഴം മാത്രമല്ല ഔഷധസസ്യം കൂടിയാണ് നാരങ്ങ എന്ന് അറിയാമല്ലോ. ആരോഗ്യത്തിനും സൗന്ദര്യത്തിനും ഒരു പോലെ സംരക്ഷണം നല്‍കുന്നു എന്നതാണ് നാരങ്ങയുടെ സവിശേഷത. എന്നാല്‍ ഇത് മാത്രമല്ല നാരങ്ങയുടെ ഉപയോഗങ്ങള്‍ എന്നറിയാമോ ? എങ്കില്‍ കേട്ടോളൂ വേറെയും പല ഉപയോഗങ്ങള്‍ നാരങ്ങയ്ക്കുണ്ട്.
കീടനാശിനി കളയാന്‍- പഴങ്ങളിലും പച്ചക്കറികളിലും ഉള്ള കീടനാശിനി കഴുകി കളയാന്‍ നാരങ്ങയ്ക്ക് സാധിക്കും. പഴങ്ങളും പച്ചക്കറികളും വെറുതെ വെളളമൊഴിച്ചു കഴുകുന്നതിനു പകരം ആ വെളളത്തില്‍ കുറച്ച് നാരങ്ങ നീരൊഴിച്ച് കഴുകുക.അവയിലെ വിഷാംശം കളയാന്‍ ഇത് ധാരാളം.
ഉറുമ്പിനെ തുരത്താം - വീടുകളില്‍ ഇടക്കിടെ ഉണ്ടാകുന്ന ഉറുമ്പ് ശല്യത്തിന് പരിഹാരമാണ് നാരങ്ങ എന്നറിയാമോ? നാരങ്ങയിലെ സിട്രിക് ആസിഡ് ഉറുമ്പുകളെ ഓടിക്കും. അതുപോലെ തന്നെ ചെള്ളിന്റെ ശല്യത്തിനും നാരങ്ങ പ്രതിവിധിയാണ്.
ബാത്റൂം തിളങ്ങാൻ- അഴുക്ക് പിടിച്ച ബാത്ത്റൂമുകള്‍ വൃത്തിയാക്കാന്‍ നാരങ്ങ ധാരാളം. ബാത്ത്റൂമിലെ വഴുവഴുപ്പും അഴുക്കും കളയാന്‍ കുറച്ച് ഉപ്പും നാരങ്ങയും പ്രയോഗിച്ച് നോക്കൂ. വളരെ നല്ല മാറ്റം ലഭിക്കും.
നെയില്‍പോളിഷ് റിമൂവര്‍ - പെട്ടെന്ന് ഒന്ന് നെയില്‍ പോളിഷ് മാറ്റണം എന്ന് തോന്നുമ്പോഴാകും നെയില്‍പോളിഷ് റിമൂവര്‍ കുപ്പി കാലിയായി ഇരിക്കുന്നത് കാണുന്നത്. എങ്കില്‍ പേടിക്കണ്ട. ഫ്രിഡ്ജില്‍ നാരങ്ങ ഉണ്ടെങ്കില്‍ അതല്‍പ്പം മുറിച്ചു എടുത്തു വിരലില്‍ തുടച്ചു നോക്കൂ.
ചോപ്പിങ് ബോര്‍ഡ് - പച്ചകറികളും മറ്റും അറിയുന്ന ചോപ്പിങ് ബോര്‍ഡില്‍ അണുക്കള്‍ ധാരാളം ഉണ്ട്. ഇവയ്ക്ക് പരിഹാരം ആണ് നാരങ്ങ. ഒരു നാരങ്ങ മുറിച്ചു ചോപ്പിങ് ബോര്‍ഡ് തുടച്ചു വച്ചുനോക്കൂ. അവ നന്നായി വെട്ടി തിളങ്ങും.
പാത്രത്തിലെ കറ- പാത്രങ്ങളില്‍ കാണുന്ന വെള്ള കറ നാരങ്ങ കൊണ്ട് നീക്കം ചെയ്യാം. അടുക്കളയില്‍ പാത്രങ്ങള്‍ വെളളവുമായുളള നിരന്തര സംസര്‍ഗത്തില്‍ പാത്രത്തില്‍ കാല്‍സ്യം കാര്‍ബണേറ്റ് അടിഞ്ഞ് ഉണ്ടാവുന്നതാണിത്. നാരങ്ങയുടെ അംമ്ല സ്വഭാവം ഇത്തരം വെളുത്ത പാടുകള്‍ തുടച്ചു നീക്കുന്നു.
ചോറ് കട്ടപിടിക്കാതെ നോക്കാം - ചോറോ ബിരിയാണിയോ വയ്ക്കുമ്പോള്‍ ചോറ് തമ്മില്‍ ഒട്ടിപോകാതെ നോക്കാന്‍ നാരങ്ങ സഹായിക്കും. അരി തിളപ്പിക്കുന്നതിന് മുമ്പ് ഒരു ടീ സ്പൂണ്‍ നാരങ്ങനീര് ചേര്‍ത്ത് തിളപ്പിച്ചാല്‍ പ്രശ്നം പരിഹരിക്കാം.
English Summary- Features of Lemon in Home Cleaning
