വീട് സഫലമാക്കാൻ ഇതാണോ ബെസ്റ്റ് ടൈം? സർവേ പറയുന്നത് ഇങ്ങനെ
Mail This Article
ഒരു വീടെന്നത് എല്ലാവരുടെയും സ്വപ്നമാണ്. എന്നാല് ആ സ്വപ്നം പൂവണിയാനുള്ള അവസരമാണോ ഇത് ? അതെ എന്നാണ് 'ഇന്ത്യ റിയല് എസ്റ്റേറ്റ് റിപ്പോര്ട്ട് 2020 ' പുറത്തു വിട്ട സര്വേ പറയുന്നത്. ഇന്ത്യക്കാര്ക്ക് വീട് വാങ്ങാന് അനുയോജ്യമായ സമയമാണോ ഇത് എന്നറിയാന് നടത്തിയ ഈ സര്വേയില് പങ്കെടുത്ത 89% ആളുകളും പറയുന്നത് ഇതാണ് ബെസ്റ്റ് ടൈം എന്നാണ്.
കൊറോണ മൂലം കടുത്ത സാമ്പത്തിക പ്രതിസന്ധിയും ആരോഗ്യപ്രതിസന്ധിയും നേരിട്ട വർഷം കൂടിയാണ് കടന്നു പോയത്. എങ്കില് പോലും ഇത് റിയല് എസ്റ്റേറ്റ് മേഖലയെ വലിയ തോതിൽ ബാധിച്ചില്ല എന്നാണ് ഈ റിപ്പോര്ട്ട് സൂചിപ്പിക്കുന്നത്.
കോവിഡ് പ്രതിസന്ധി രൂക്ഷമായതോടെ രാജ്യത്താകമാനം പല കമ്പനികളും 'വര്ക്ക് ഫ്രം ഹോം ' ഓപ്ഷന് സ്വീകരിച്ചിരുന്നു. ഇത് ആളുകളെ കൂടുതല് നേരം വീട്ടിലിരിക്കാന് പ്രേരിപ്പിച്ചു. ഇത് വീടെന്ന സ്വപ്നം പൂവണിയിക്കാന് ആളുകളെ നിര്ബന്ധിതരാക്കി എന്ന് പറയാം. മുംബൈ , ഡല്ഹി , ബംഗ്ലൂര് , പൂനെ , ചെന്നൈ , ഹൈദരാബാദ് എന്നിവിടങ്ങളിലെ റിയല് എസ്റ്റേറ്റ് മൂല്യം കണക്കിലെടുത്താണ് ഈ റിപ്പോര്ട്ട്.
ബാങ്കുകള് ഹോം ലോണ് റേറ്റ് കുറച്ചതും , കമ്പനികള് നല്കുന്ന ഡിസ്കൗണ്ട് എന്നിവയെല്ലാം ആളുകളെ കൂടുതല് ഈ മേഖലയിലേക്ക് അടുപ്പിച്ചിട്ടുണ്ട് എന്നും റിപ്പോര്ട്ട് സൂചിപ്പിക്കുന്നു. സര്വേയില് പങ്കെടുത്ത 82% ആളുകളും പറയുന്നത് 2021 ല് തങ്ങള് ഒരു വീട് വാങ്ങാന് ആഗ്രഹിക്കുന്നു എന്നാണ്. ഇതില് 58% ആളുകളും അറുപതുലക്ഷം രൂപയ്ക്കുള്ളില് ഉള്ള വീടാണ് വാങ്ങാന് ഉദേശിക്കുന്നത് എന്ന് വ്യക്തമാക്കിയിരുന്നു. 19% പേര് എണ്പത് ലക്ഷത്തിനുള്ളിലെ വീടും.
ഒരു കോടിക്ക് മുകളില് വീട് നോക്കുന്നവര് 11% ആണ് സര്വ്വേയില്. വീടിനുള്ളില് ആളുകള് കൂടുതല് സമയം ചിലവിടാന് തുടങ്ങിയതോടെ 29% ആളുകളും മൂന്നു ബെഡ് റൂം വീടുകള് ആണ് സ്വന്തമാക്കാന് ഉദേശിക്കുന്നത്. വീട് വാങ്ങാന് ആഗ്രഹിക്കുന്നവരില് 89% ആളുകള് ഒരു പാര്പ്പിടം എന്ന നിലയിലാണ് വീട് വാങ്ങുന്നതെങ്കില് പതിനൊന്നുശതമാനം ആളുകള് ഇതൊരു ഇന്വെസ്റ്റ്മെന്റ് ആയാണ് കണക്കാക്കുന്നത്.
English Summary- Best Time to Buy House Real Estate Survey Report