കൃഷിക്ക് കരുത്തേകാനുണ്ട് പ്രതിഭ ഇനം മഞ്ഞൾ

മികച്ച ഉൽപാദനം കാഴ്ചവച്ച് പ്രതിഭ ഇനം മഞ്ഞൾ. സംസ്ഥാന ഫാമിങ് കോർപറേഷന്റെ ചിതൽവെട്ടി എസ്റ്റേറ്റിൽ റബർ ആവർത്തനക്കൃഷിയുടെ ഇടവിളയായി ചെയ്ത മഞ്ഞൾ കൃഷിക്കാണ് മികച്ച വിളവ് ലഭിച്ചത്. 20 ഹെക്ടറിൽ പ്രതിഭ ഇനം മഞ്ഞളായിരുന്നു കൃഷി ചെയ്തത്. ഇന്ത്യൻ ഇസ്റ്റിറ്റ്യൂട്ട് ഓഫ് സ്പൈസസ് റിസർച്ചിന്റെ (IISR) സാങ്കേതിക സഹായത്തോടെയായിരുന്നു പ്രതിഭ കൃഷി ചെയ്തത്. ഒരു ചുവട്ടിൽനിന്ന് 4.3 കിലോഗ്രാം മഞ്ഞൾ ലഭിച്ചതാണ് ഏറ്റവും മികച്ച ഉൽപാദനം. മറ്റ് എസ്റ്റേറ്റുകളിലും മഞ്ഞൾ കൃഷി ആരംഭിക്കുമെന്ന് സംസ്ഥാന ഫാമിങ് കോർപറേഷൻ മാനേജിങ് ഡയറക്ടർ എസ്.കെ. സുരേഷ് അറിയിച്ചു.

കൂടുതൽ വിവരങ്ങൾക്ക്: 0475-2222 245/51/52