തീറ്റയ്ക്കു ക്ഷാമമെങ്കിൽ പശുക്കൾക്ക് കാലിത്തീറ്റ വീട്ടിൽത്തന്നെ തയാറാക്കാം
Mail This Article
വീട്ടിൽത്തന്നെ തയാറാക്കി പശുക്കൾക്കു കൊടുക്കാവുന്ന തീറ്റകൾ
തീറ്റ 1
ഒരു പശുവിന് ഒരു ദിവസത്തേക്ക് വേണ്ടത്
ഘടക വസ്തുക്കൾ (കിലോ - പച്ചയ്ക്ക്)
- ബിയർ വേസ്റ്റ് : 8-10
- ചോള മാവ് (സ്റ്റാർച്ച് എടുത്തതിനു ശേഷം ലഭിക്കുന്നത് ) : 6
- ചോളത്തവിട് : 6
- കപ്പ വേസ്റ്റ് (സ്റ്റാർച്ച് നീക്കിയ കപ്പ) : 4-5
ആകെ 24-26 കിലോ
ഇതിന്റെ കൂടെ ധാതുലാവണ മിശ്രിതം (കാത്സ്യപ്പൊടി) 25 ഗ്രാമും, ഉപ്പ് 15 ഗ്രാമും ചേർക്കുക
* എല്ലാം കൂടി നന്നായി മിക്സ് ചെയ്ത് പല പ്രാവശ്യമായി വേണം കൊടുക്കാൻ.
** ഇതിന്റെ കൂടെ പരുഷാഹാരമായി 5 കിലോ വൈക്കോലോ, പച്ചപ്പുല്ലുണ്ടെങ്കിൽ പച്ചപ്പുല്ലോ കൊടുത്താൽ മതി.
തീറ്റ 2
100 കിലോ തീറ്റ ഉണ്ടാക്കുന്നതിന്
ഘടക വസ്തുക്കൾ (ശതമാനം (കിലോ) - പച്ചക്ക്)
- ചോളം : 20
- *പൈനാപ്പിൾ അവശിഷ്ടം (ഉണങ്ങിയത്) : 7.5*
- **കാപ്പിക്കുരു തൊണ്ട് (ഉണങ്ങിയത്) : 13
- തേങ്ങാപ്പിണ്ണാക്ക് : 20
- ***അരിത്തവിട് : 37.5
- കാൽസൈറ്റ് പൊടി (ചുണ്ണാമ്പ് പൊടി) : 1.5
- ഉപ്പ് : 0.5
ആകെ 100
ഇതിന്റെ കൂടെ ധാതുലാവണ മിശ്രിതം (കാത്സ്യപ്പൊടി) 100 ഗ്രാമും, വിറ്റാമിൻ A,D3 മിശ്രിതം 50 ഗ്രാമും മിക്സ് ചെയ്ത് ചേർക്കുക
* പൈനാപ്പിൾ അവശിഷ്ടം പച്ചക്ക് ഉള്ളതാണെങ്കിൽ 30 കിലോ എടുത്തുണക്കിയെടുത്താൽ 7.5 കിലോ കിട്ടും. പൈനാപ്പിൾ അവശിഷ്ടം ലഭ്യമല്ലെങ്കിൽ, വാഴത്തട കൊത്തി അരിഞ്ഞതോ, ചക്കയും ചകിണിയുമോ (മടൽ നീക്കി), കശുമാങ്ങ അവശിഷ്ടമോ, ഇതേ അളവിൽ കൊടുക്കുക.
**കാപ്പിക്കുരുത്തൊണ്ട് പച്ചയ്ക്ക് ഉള്ളതാണെങ്കിൽ 14.5 കിലോ ഉണക്കിയെടുത്താൽ 13 കിലോ കിട്ടും. കാപ്പിക്കുരുത്തൊണ്ട് ലഭ്യമല്ലെങ്കിൽ, കുരുമുളക് ചണ്ടിയോ, തേയിലച്ചണ്ടിയോ, കപ്പയില ഉണക്കി പൊടിച്ചതോ ഇതേ അളവിൽ കൊടുക്കുക.
***അരിത്തവിട് ലഭ്യമല്ലെങ്കിൽ, ഗോതമ്പു തവിടായാലും മതി.
**** ഒരു ദിവസം 2 പ്രാവശ്യമായി കൊടുക്കുക (സാധാരണ കാലിത്തീറ്റ കൊടുക്കുന്നത് പോലെ കൊടുക്കുക) = 10 ലിറ്റർ പാൽ തരുന്ന ഒരു പശുവിനു പ്രതിദിനം 5 .5 കിലോഗ്രാം എന്ന രീതിയിൽ.
*****ഇതിന്റെ കൂടെ പരുഷാഹാരമായി 5 കിലോ വൈക്കോലോ, പച്ചപ്പുല്ലുണ്ടെങ്കിൽ പച്ചപ്പുല്ലോ കൊടുത്താൽ മതി
തീറ്റ 3
സാധാരണ കാലിതീറ്റ കൊടുക്കുന്ന അളവ് കുറച്ചിട്ടു പകരം കൊടുക്കാവുന്ന മറ്റു ചില പാരമ്പര്യേതര തീറ്റകൾ
പാരമ്പര്യേതര തീറ്റകൾ (ശതമാനം)
- പുളിങ്കുരു പൊടിച്ചത് : 10
- ചോളത്തണ്ട് : 20
- കൊക്കോ തൊണ്ട് (കുരു നീക്കിയതിനു ശേഷം) : 5
- തേയിലച്ചണ്ടി : 20
- കപ്പയില ഉണക്കി പൊടിച്ചത് : 20
- വേപ്പിൻകുരു പിണ്ണാക്ക് : 10
- ചക്കക്കുരു (തൊലി നീക്കി പിളർന്നത്) : 10
ഉദാ:
300 കിലോ ശരീര ഭാരം ഉള്ള, 10 ലീറ്റർ പാൽ തരുന്ന ഒരു പശുവിന്റെ പ്രതിദിന ഖരവസ്തു ആഹരണം അതിന്റെ ശരീര ഭാരത്തിന്റെ 3 % ആണ്: അതായത്, 9 കിലോ. ഇതിൽ 5.5 കിലോ കാലിത്തീറ്റ വേണം. ഈ 9 കിലോ ഖരവസ്തു ആഹരണത്തിന്റെ 10 %, അതായത് 900 ഗ്രാം (0.9 കിലോ), പുളിങ്കുരു പൊടിച്ചത് കൊടുക്കുകയാണെങ്കിൽ, ബാക്കി 4.6 കിലോ കാലിത്തീറ്റ കൊടുത്താൽ മതിയാകുന്നതാണ് (5.5 - 0.9 = 4.6). ഇത് പോലെ തന്നെ മറ്റെല്ലാത്തിനും ബാധകം.
* പരുഷാഹാരത്തിന്റെ അളവിൽ മാറ്റമില്ല (വൈക്കോൽ, പച്ചപ്പുല്ല്)