വർഷങ്ങൾക്കു മുൻപൊരു സിനിമാ സെറ്റ്. തമാശക്കഥകളുടെ ആശാനായ തിക്കുറിശ്ശി സുകുമാരൻ നായരുടെ ചുറ്റും കേൾവിക്കാരുടെ വലിയൊരു കൂട്ടം. ചെറിയൊരു ഗ്യാപ് കിട്ടിയപ്പോൾ മുകേഷും ഒരു കഥ പറഞ്ഞു. തിക്കുറിശ്ശി ആർത്തുചിരിച്ചെന്നു മാത്രമല്ല, ആ കഥയുടെ വിശദാംശങ്ങൾ അപ്പോൾത്തന്നെ കുറിച്ചുവയ്ക്കുകയും ചെയ്തു. തിക്കുറിശ്ശിക്ക് അങ്ങനെയൊരു ശീലമുണ്ടായിരുന്നു. നല്ല സംഭവങ്ങൾ മറക്കാതിരിക്കാൻ അദ്ദേഹം എഴുതിവയ്ക്കും. അദ്ദേഹം എഴുതിവച്ച കഥകൾക്കെല്ലാം പിന്നീടെന്തു സംഭവിച്ചെന്ന് മുകേഷ് പലവട്ടം ഓർത്തിട്ടുണ്ട്.
