വിനീത് ശ്രീനിവാസനെ ദൂരെനിന്നു നോക്കുമ്പോൾ എന്തോ കുഴപ്പം കാണിക്കാൻ വരുന്നൊരു കുട്ടിയെയാണ് ഓർമവരിക. ശ്രദ്ധിച്ചുള്ള നടത്തം, പാതി മറച്ചുവച്ച ചിരി, പതുക്കെയുള്ള സംസാരം. തീരെ കുഴപ്പക്കാരനല്ലാത്ത ഈ കുട്ടി മലയാള സിനിമയിൽ കുറച്ചു കാലംകൊണ്ടു കാണിച്ചതു വലിയ കാര്യങ്ങളാണ്. തുടർച്ചയായി 5 ഹിറ്റുകൾ. എല്ലാം ഒന്നിനൊന്നു മെച്ചം.ആദ്യം സംവിധാനം ചെയ്ത മലർവാടിയും അവസാന സംവിധാനം ചെയ്ത ഹൃദയവും കണ്ടാൽ അതിനിന്നെല്ലാം മനസിലാകും. മലയാള പുത്തൻ സിനിമയിലെ കുട്ടികളുടെ ഗുരുവായിപ്പോലും വിനീതിനെ പലരും കാണുന്നു. പലരുടേയും ചവിട്ടുപടിയാണ് ഇന്നു വിനീത് ശ്രീനിവാസൻ. കിട്ടിയ സമയംകൊണ്ടു കിട്ടുന്നതെല്ലാം വാരിക്കൊണ്ടു പോകുന്നവരുടെ ഇടയിൽ വിനീത് സാധാരണ മനുഷ്യനെപ്പോലെ ജീവിക്കുകയാണ്. അക്കാര്യത്തിൽ വിനീത് അച്ഛന്റെ വഴിയിൽത്തന്നെയാണ്. വിനീത് തന്റെ ജീവിതത്തേക്കുറിച്ചു സംസാരിക്കുകയാണ്.
