ദേവദാസ് നായകന്; കളിക്കൂട്ടുകാർ ട്രെയിലർ
Mail This Article
അതിശയന്, ആനന്ദഭൈരവി എന്നീ ചിത്രങ്ങളിലൂടെ ശ്രദ്ധേയനായ ദേവദാസ് നായകനായെത്തുന്ന ചിത്രമാണ് കളിക്കൂട്ടുകാര്. പി.കെ.ബാബുരാജ് സംവിധാനം ചെയ്യുന്ന ചിത്രത്തിന്റെ ട്രെയിലർ റിലീസ് ചെയ്തു. മമ്മൂട്ടിയാണ് ചിത്രം ഔദ്യോഗികമായി റിലീസ് ചെയ്തത്.
ചെറുപ്പം മുതല് ഒരുമിച്ച് പഠിച്ച ആറുസുഹൃത്തുക്കളുടെ സൗഹൃദത്തിന്റേയും പോരാട്ടത്തിന്റെയും കഥയാണ് കളിക്കൂട്ടുകാര്. യുവാക്കള്ക്കും കുടുംബത്തിനും ആഘോഷിക്കാനാവശ്യമായതെല്ലാം ചിത്രത്തിലുണ്ടെന്ന് താരങ്ങള് ദേവദാസിന്റെ പിതാവും നടനുമായ ഭാസി പടിക്കലാണ് (രാമു) ചിത്രത്തിന് തിരക്കഥയൊരുക്കുന്നത്.
വെറും സൗഹൃദത്തിനപ്പുറം സാമൂഹികപ്രസക്തിയുളള ചിത്രം കൂടിയാണ് കളിക്കൂട്ടുകാരെന്നാണ് അണിയറപ്രവര്ത്തകരുടെ അവകാശവാദം. ചിത്രം ഫെബ്രുവരിയില് തിയറ്ററിലെത്തും.
സലിംകുമാര്,ജനാര്ദ്ദനന്,കുഞ്ചന്, ഇന്ദ്രന്സ്, രഞ്ജി പണിക്കര്, ബൈജു, ഷമ്മി തിലകന്, രാമു, ശിവജി ഗുരുവായൂര്, , വിവേക് ഗോപന്, സുനില് സുഖദ, സുന്ദര പാണ്ഡ്യന്, ബിന്ദു അനീഷ്, രജനി മുരളി എന്നിവരും ഈ ചിത്രത്തിലെ താരങ്ങളാണ്.