‘സിനിമ തലയ്ക്കു പിടിച്ചവർക്ക് ‘ഓസ്കർ ഗോസ് ടു’ ഒരു അനുഭവമായിരിക്കും’

ടൊവിനോ തോമസിനെ നായകനാക്കി സലിം അഹമ്മദ് സംവിധാനം ചെയ്യുന്ന ആൻഡ് ദ് ഓസ്കർ ഗോസ് ടു റിലീസിനൊരുങ്ങുകയാണ്. സിനിമയ്ക്കുള്ളിലെ സിനിമ പറയുന്ന ചിത്രത്തിൽ സംവിധായകനാകാൻ ആഗ്രഹിച്ചു നടക്കുന്ന യുവാവിന്റെ ജീവതമാണ് പറയുന്നത്. സിനിമ തലയ്ക്ക് പിടിച്ചവർക്കു ഈ സിനിമ ഒരു അനുഭവമായിരിക്കുമെന്ന് നടി മാല പാർവതി കുറിച്ചു. ചിത്രത്തിൽ ടൊവിനോയുടെ അമ്മയുടെ വേഷത്തിലാണ് നടി എത്തുന്നത്.

'ആൻഡ് ദ് ഓസ്കർ ഗോസ് ടു'... ഗോദയ്ക്കു ശേഷം വീണ്ടും ടൊവിനോയുടെ അമ്മയാകുന്നു. സോറി ഉമ്മ.. ഖദീജ. സലിം അഹമ്മദ് സംവിധാനം ചെയ്ത ടൊവിനോ ചിത്രം.. നാളെ മുതൽ തിയറ്ററുകളിൽ. അനു ജോസഫ് എടുത്ത സെൽഫി... ഇരിട്ടിയായിരുന്നു ലൊക്കേഷൻ... നല്ല പടമാണ്. പ്രത്യേകിച്ച് സിനിമ തലയ്ക്ക് പിടിച്ചവർക്ക് ഈ സിനിമ ഒരു അനുഭവമായിരിക്കും!–മാല പാർവതി കുറിച്ചു.

അനു സിത്താരയാണ് ചിത്രത്തിൽ ടൊവിനോയുടെ നായിക. സിദ്ധിഖ്, സലിം കുമാര്‍, ശ്രീനിവാസന്‍, ലാല്‍, അപ്പാനി രവി എന്നിവരാണ് ചിത്രത്തിലെ മറ്റ് പ്രധാന താരങ്ങള്‍. മധു അമ്പാട്ട് ആഛായാഗ്രഹണം. ശബ്ദസംവിധാനം റസൂല്‍ പൂക്കുട്ടി. ബിജിബാലാണ് സംഗീത സംവിധാനം.