അവഞ്ചേർസ് അവസാനിക്കുന്നില്ല; പുതിയ രംഗങ്ങളുമായി റി-റിലീസിന് ചിത്രം

അവഞ്ചേർസ് ആരാധകരെ ആവേശത്തിലാഴ്ത്തുന്ന വാർത്ത പുറത്തുവിട്ട് മാർവൽ. അവ‍ഞ്ചേർസ് എൻഡ് ഗെയിം റി എഡിറ്റഡ് പതിപ്പ് ജൂൺ 28ന് വീണ്ടും റിലീസിനെത്തും. മാർവൽ സ്റ്റുഡിയോസ് പ്രസിഡന്റ് കെവിൻ ഫൈജ് ആണ് ഇക്കാര്യം സ്ഥിരീകരിച്ചത്. ഈ പതിപ്പിൽ ൈദർഘ്യക്കുറവു മൂലം നീക്കം ചെയ്ത രംഗങ്ങള്‍, ആരാധകരെ അദ്ഭുതപ്പെടുത്തുന്ന നിരവധി സർപ്രൈസുകളും ഉണ്ടാകും.

ചിത്രം കഴിഞ്ഞതിനു ശേഷമുള്ള എൻഡ് ക്രെഡിറ്റിലാകും ഈ രംഗങ്ങൾ കാണാൻ സാധിക്കുക. ആഗോളതലത്തിൽ ഏറ്റവും വലിയ പണംവാരിചിത്രമാകാനുള്ള തയാറെടുപ്പ് കൂടിയാണ് ഈ റി–റിലീസ്. നിലവിൽ 2.743 ബില്യൻ ആണ് എന്‍ഡ്ഗെയിമിന്റെ കലക്‌ഷൻ. ഒന്നാമത് നിൽക്കുന്ന അവതാറിനെ പിന്നിലാക്കാൻ ഇനി 313 കോടി കൂടി ചിത്രം നേടേണ്ടതുണ്ട്. 2.788 ബില്യനാണ് അവതാറിന്റെ കലക്‌ഷൻ. അവതാറിനെ തകർക്കാൻ ഈ റി–റിലീസ് അവഞ്ചേർസിന് സഹായകരമാകും എന്നാണ് ഹോളിവുഡിൽ നിന്നുള്ള റിപ്പോർട്ടുകള്‍.