പിറന്നാളിന് മകൾക്ക് സർപ്രൈസ് ഒരുക്കി പൂർണിമ ഇന്ദ്രജിത്ത്; വിഡിയോ

ഇന്ദ്രജിത്തിന്റെയും പൂർണിമയുടെയും ആദ്യത്തെ കൺമണിയായ പ്രാർത്ഥനയ്ക്ക് ഇന്ന് പിറന്നാൾ. തങ്ങളുടെ പ്രിയപ്പെട്ട പാത്തുവിന് ആശംസകളുമായി അമ്മയും അച്ഛനും ചെറിയച്ഛൻ പൃഥ്വിരാജും എത്തി. പ്രാർത്ഥന തന്റെ ഉദരത്തിൽ വളരുന്ന കാലത്തെ ഒരു ചിത്രമാണ് പൂർണിമ പങ്കുവച്ചിരിക്കുന്നത്. കൂടാതെ മകൾക്കായി സർപ്രൈസ് പിറന്നാൾ ആഘോഷവും അമ്മ ഒരുക്കിയിരുന്നു. 

പ്രാർത്ഥന ചെറിയ കുട്ടിയായിരിക്കുമ്പോൾ അവളെ ചേർത്തു പിടിച്ച് കിടക്കുന്ന ഒരു ചിത്രമാണ് പൃഥ്വി പങ്കുവച്ചത്.  നടിയും സംവിധായികയും പൂർണിമയുടെ അടുത്ത സുഹൃത്തുമായ ഗീതു മോഹൻദാസും പ്രാർത്ഥനയ്ക്ക് ജന്മദിനാശംസകൾ നേർന്നു. മോഹൻലാൽ എന്ന ചിത്രത്തിലൂടെ പിന്നണി ഗായികയായി മാറിയ പ്രാര്‍ത്ഥനയുടെ ഗാനം ഹിറ്റായിരുന്നു. ഡബ്സ്മാഷ് വിഡിയോകളിലൂടെയും പ്രാര്‍ത്ഥന ആരാധകരുടെ പ്രിയ താരമായി മാറി.