‘പൂഴിക്കടകനുമായി’ ചെമ്പൻ; കൂട്ടിന് ജയസൂര്യയും; ട്രെയിലർ
Mail This Article
ചെമ്പൻ വിനോദിനെ നായകനാക്കി നവാഗതനായ ഗിരീഷ് നായര് സംവിധാനം ചെയ്യുന്ന 'പൂഴിക്കടകന്' സിനിമയുടെ ട്രെയിലർ റിലീസ് ചെയ്തു. നാട്ടിൽ അവധിക്കെത്തുന്ന ഹവില്ദാര് സാമുവല് ജോണ് എന്ന കഥാപാത്രമായി ചെമ്പൻ എത്തുന്നു. കലക്ടറായി നടൻ ജയസൂര്യ അതിഥി വേഷത്തിലും എത്തുന്നു.
പ്രശസ്ത തമിഴ്, തെലുഗു താരം ധന്യ ബാലകൃഷ്ണ മലയാളത്തിൽ നായികയായി അരങ്ങേറുന്നു. അലൻസിയർ, വിജയ് ബാബു, ബാലു വർഗീസ് സജിത്ത് നമ്പ്യാർ, സുധി കോപ്പ, ബിജു സോപാനം, കോട്ടയം പ്രദീപ്, ഗോകുലൻ, അശ്വിൻ, സെബി ജോർജ് , മാലാ പാർവതി , ഐശ്വര്യ ഉണ്ണി തുടങ്ങിയവരാണ് മറ്റു താരങ്ങൾ..ഗിരീഷ് നായരും ഉണ്ണി മലയിലും ചേർന്നൊരുക്കിയ കഥയ്ക്ക് ഷ്യാൽ സതീഷും ഹരി പ്രസാദ് കോളേരിയും ചേർന്ന് തിരക്കഥയും സംഭാഷണവും രചിച്ചിരിക്കുന്നു. ഈവാബ് പ്രൊഡക്ഷൻസിന്റെ ബാനറിൽ സാമും നൗഫലും കാഷ് മൂവീസുമായി ചേർന്ന് നിർമിക്കുന്ന ചിത്രത്തിന്റെ പ്രൊജക്റ്റ് ഡിസൈനർ സജിത്ത് നമ്പ്യാർ.