ദിലീപ് നായകൻ; സംവിധാനം: നാദിർഷ

കലാരംഗത്തും ജീവിതത്തിലും ഉറ്റ ചങ്ങാതിമാരായ ദിലീപും നാദിർഷയും  പ്രേക്ഷകരുടെ ആഗ്രഹത്തിനൊപ്പം സിനിമയിൽ ഒന്നിക്കുന്നു.   ദിലീപിനെ നായകനാക്കി നാദിർഷ സംവിധാനം ചെയ്യുന്ന ചിത്രമാണ് കേശു ഈ വീടിന്റെ നാഥൻ.   

സിദ്ദീഖ്, സലീംകുമാർ, ഹരിശ്രീ അശോകൻ, കലാഭവൻ ഷാജോൺ, ഹരീഷ് കണാരൻ, ശ്രീജിത്ത് രവി, ജാഫർ ഇടുക്കി, കോട്ടയം നസീർ, ഗണപതി, സാദ്ദീഖ്, പ്രജോദ് കലാഭവൻ, ഏലൂർ ജോർജ്, ബിനു അടിമാലി, അരുൺ പുനലൂർ, രമേശ് കുറുമശ്ശേരി, കൊല്ലം സുധി, നന്ദു പൊതുവാൾ, അർജുൻ, ഹുസൈൻ ഏലൂർ, ഷൈജോ അടിമാലി, ഉർവശി, അനുശ്രീ, വൈഷ്ണവി, സ്വാസിക, മഞ്ജു പത്രോസ്, നേഹ റോസ്, സീമാ ജി. നായർ, വത്സല മേനോൻ, അശതി തുടങ്ങിയ പ്രമുഖരാണ് മറ്റു താരങ്ങൾ.

തിരക്കഥ, സംഭാഷണം  സജീവ് പാഴൂർ എഴുതുന്നു. നാദ് ഗ്രൂപ്പ്‌ നിർമിക്കുന്ന ഈ ചിത്രത്തിന്റെ ഛായാഗ്രഹണം അനിൽ നായർ നിർവഹിക്കുന്നു. ബി.കെ. ഹരിനാരായണൻ, ജ്യോതിഷ്, നാദിർഷ എന്നിവരുടെ വരികൾക്ക് നാദിർഷ തന്നെ സംഗീതം പകരുന്നു.